Author: નોબત સમાચાર
દેવભૂમિ દ્વારકા જિલ્લા કક્ષાએ ભાઈઓ તથા બહેનો માટે રાસ-ગરબા સ્પર્ધા યોજાશે
જિલ્લા યુવા અને સાંસ્કૃતિક પ્રવૃત્તિઓની કચેરી દ્વારા
ખંભાળીયા તા. ર૧ઃ કમિશનર, યુવક, સેવા અને સાંસ્કૃતિક પ્રવૃત્તિઓ-ગાંધીનગર દ્વારા આયોજીત અને જિલ્લા યુવા અને સાંસ્કૃતિક પ્રવૃત્તિઓની કચેરી-દેવભૂમિ દ્વારકા દ્વારા સંચાલિત જિલ્લાકક્ષા રાસ-ગરબા સ્પર્ધા ર૦ર૩-ર૪નું આયોજન ટૂંક સમયમાં નવરાત્રિને ધ્યાનમાં રાખીને કરવામાં આવશે.
આ સ્પર્ધામાં રાસ ભાઈઓ અને બહેનો માટે, તથા પ્રાચીન ગરબા અને અર્વાચીન ગરબા બહેનો માટે રહેશે. ભાગ લેવા ઈચ્છુક સંસ્થા-શાળા-ટીમ-મંડળી-કલાસીસ વગેરેએ નિયત નમુનામાં અરજી કરવાની રહેશે. જેમાં રાસ સ્પર્ધાની વયમર્યાદા ૧૪ થી ૪૦ વર્ષ સુધીની રહેશે અને ગરબાની સ્પર્ધા માટે વય મર્યાદા ૧૪ થી ૩પ વર્ષ સુધીની રહેશે. જેનું અરજી ફોર્મ જિલ્લા યુવા અને સાંસ્કૃતિક પ્રવૃત્તિઓની કચેરી રૃમ નં.સી-૧/ર, અને સી-૧/૪, પ્રથમ માળ, જિલ્લા સેવા સદન, લાલપુર બાયપાસ રોડ-ખંભાળીયામાંથી મેળવીને જરૃરી આધાર પુરાવા સાથે તા. ર૮-૯-ર૩ ના બપોરે ર કલાક સુધીમાં કચેરીમાં જમા કરાવવાનું રહેશે. નિયત નમુના વગરની અરજીઓ તથા સમય મર્યાદા પૂર્ણ થયેલ બાદ મળેલ કોઈ પણ એન્ટ્રી સ્વીકારવામાં આવશે નહિ તેમ જિલ્લા યુવા વિકાસ અધિકારીની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
