Author: નોબત સમાચાર
દ્વારકા જિલ્લાની ૮૭૩ માંથી ર૭૦ જગ્યાઓ પર કાયમી શિક્ષકો નિમાયાઃ રજૂઆતો ફળી
બીજી સમાન કેડરની નોકરી છોડીને ઘણાં બન્યા શિક્ષક !
ખંભાળીયા તા. ર૧ઃ દ્વારકા જિલ્લામાં ૮૭૩ માંથી ર૭૦ જગ્યા ભરાઈ છે. રાજ્યમાં ફીકસ પગારના જ્ઞાન સહાયક પહેલા કાયમી ૩પ૦૦ જેટલાક પ્રાથમિક શિક્ષકોની ભરતી થઈ તેમાં દ્વારકા જિલ્લાના અઢીસોથી વધુ જગ્યાઓ ભરાઈ છે.
ગુજરાત સરકારના શિક્ષણ વિભાગ દ્વારા પ્રાથમિક તથા માધ્યમિક શાળાઓમાં જ્ઞાન સહાયકની ફીકસ પગારની તથા બીન કાયમી ૧૧ માસના કરારની નોકરીથી જગ્યા ભરવાનું આયોજન થયું છે. જ્યારે તેની પહેલા કાયમી શિક્ષકોની ભરતીના રાઉન્ડમાં લોટરી લાગી હોય તેમ ૩પ૦૦ જેટલા શિક્ષકોની કાયમી ભરતી થતા હુકમ કરાતા તલાટી મંત્રી તથા મીલીટરી, અન્ય નોકરીઓ છોડીને ઢગલાબંધ ઉમેદવારો પ્રાથમિક શિક્ષકની કાયમી નોકરીમાં લાગ્યા છે.
દ્વારકા જિલ્લામાં કુલ ૮૭૩ શિક્ષકોની ખાલી જગ્યા હતી જે જગ્યાઓ પર કાયમી શિક્ષકો નીમવા અથવા તાકીદે પ્રયાસી શિક્ષક નિમવા ભાજપ જિલલા પ્રમુખ મયુરભાઈ ગઢવી તથા જિલ્લા આચાર્ય સંઘના પૂર્વ પ્રમુખ તથા જિલ્લા કાર્યાલય મંત્રી હિતેન્દ્રભાઈ આચાર્યએ શિક્ષણ મંત્રીને રજુઆતો કરતા દ્વારકા જિલ્લામાં કુલ ર૭૦ નવા શિક્ષકોની ભરતીનો હુકમ થયો હતો. જેમાંથી રપપ શિક્ષકો ફરજ પર હાજર થયા હતાં.
જિલ્લા શિક્ષણાધિકારી એસ.જે. ડુમરાળિયા, શિક્ષણ સમિતિના ચેરમેન સંજયભાઈ નકુમ, અગ્રણી જીતેન્દ્રભાઈ કણઝારીયા, પ્રતાપભાઈ પીંડારીયા તથા જિલ્લા તથા તાલુકાની ટીમ દ્વારા આ તમામ શિક્ષકોને હુકમો આપવામાં આવ્યા હતાં. દ્વારકા જિલ્લામાં રપપ કાયમી શિક્ષકો હાજર થતાં પ્રાથમિક શાળામાં શિક્ષકોની ઘટમાં રાહત થઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
