Author: નોબત સમાચાર
નકલી કોસ્મેટીક વેેંચતી ત્રણ દુકાનમાં ચેકીંગ
રૃપિયા પોણા બે લાખના નકલી સૌંદર્ય પ્રસાધન કરી લેવાયા કબ્જેઃ
જામનગર તા. ૨૧ઃ જામનગરના બર્ધનચોક, મહાલક્ષ્મી ચોક તથા લીંડીબજાર પાસે આવેલી લેડીઝ આઈટમની ત્રણ દુકાનમાં હિન્દુસ્તાન યુનિલીવર કંપનીની ચેકીંગ ટૂકડીએ ચેકીંગ કરતા ત્રણેય દુકાનમાંથી લેકમે સહિતની બ્રાન્ડની નકલી ચીજ વસ્તુઓ મળી આવી છે. પોણા બે લાખનો નકલી સામાન કબજે કરી આ ટૂકડીએ ત્રણ વેપારી સામે પોલીસમાં ફરિયાદ નોંધાવી છે.
જામનગરના મહાલક્ષ્મી ચોક તેમજ લીંડીબજાર, બર્ધન ચોક વગેરે વિસ્તારોમાં લેડીઝ આઈટમનું વેચાણ કરતી કેટલીક દુકાનોમાં હિન્દુસ્તાન યુનિલીવર લિ. કંપની દ્વારા નિર્મિત લેકમે બ્રાન્ડની કેટલીક ચીજવસ્તુઓના બદલે લેકમે જેવી જ દેખાતી નકલી ચીજ વસ્તુનું વેચાણ થઈ રહ્યું હોવાની બાતમી કંપનીને પ્રાપ્ત થઈ હતી.
ત્યારપછી કંપનીના ઈન્વે. વિભાગના કર્મચારી અને બેંગ્લોરના નયનતારા ડેમીડેવીડ નામના મહિલા અને અન્ય વ્યક્તિઓ તપાસાર્થે જામનગર દોડી આવ્યા હતા. તેઓએ કેટલાક દિવસો સુધી ઉપરોક્ત વિસ્તારોમાં સર્વે કર્યા પછી કેટલીક દુકાનો આ પ્રકારની નકલી પ્રોડક્ટ રાખતી હોવાની વિગતો મળી જતાં ગઈકાલે પોલીસને સાથે રાખી મહિલા કર્મચારી નયનતારાએ સર્ચ કાર્યવાહી કરાવી હતી.
બર્ધનચોકમાં જુમ્મા મસ્જિદ પાસે આવેલી કરીમજી ઈસ્માઈલજી અત્તરવાલા નામની દુકાનમાં ચકાસણી કરાતા તે દુકાનમાંથી લેકમે બ્રાન્ડની પંદર આઈટમની છપ્પન નંગ ડુપ્લીકેટ ચીજવસ્તુ મળી આવી હતી. જ્યારે લીંડીબજાર પાસે એસ.એ. કોઈચા નામની દુકાનમાંથી લેકમે બ્રાન્ડની અગિયાર આઈટમની ૬૨૨ નંગ ડુપ્લીકેટ આઈટમ તેમજ એલી-૧૮ બ્રાન્ડની ૩૯ ડુપ્લીકેટ આઈટમ તેમજ મહાલક્ષ્મી ચોકમાં પંચરત્ન બ્યુટી સિલેક્શન નામની દુકાનમાંથી લેકમેની ૧૩ આઈટમની ૧૨૮ ડુપ્લીકેટ આઈટમ અને એલી-૧૮ની પાંચ આઈટમ મળી આવી હતી.
ઉપરોક્ત દુકાનના સંચાલકો અલીઅસગર કુરબાન અત્તરવાલા, મુસ્તફા શબ્બીર કોઈચા, સચિન સુભાષભાઈ વૈયાટા નામના દુકાનદારો સામે કોપી રાઈટ એક્ટની કલમો હેઠળ સિટી-એ ડિવિઝન પોલીસ સ્ટેશનમાં ફરિયાદ નોંધાવાઈ છે. ત્રણેય દુકાનમાંથી કુલ રૃા.૧ લાખ ૭૭૦૪૬નો મુદ્દામાલ કબજે કરવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
