Author: નોબત સમાચાર
''કેનેડા સુરક્ષિત દેશ છે'', ભારતની એડવાઈઝરીને ફગાવીએ છીએઃ ટ્રુડો
કેનેડિયન સુરક્ષા મંત્રી ડોમિનિક લેબ્લાંકેની પ્રતિક્રિયાઃ
નવી દિલ્હી તા. ર૧ઃ કેનેડાના જાહેર સુરક્ષામંત્રી ડોમિનિક લેબ્લાંકે કહ્યું છે કે, કેનેડા એક સુરક્ષિત દેશ છે. અમે ભારતની એડવાઈઝરીને ફગાવીએ છીએ. મોદી સરકારે બુધવારે કેનેડામાં રહેતા ભારતીય નાગરિકો ખાસ કરીને વિદ્યાર્થીઓ માટે એક એડવાઈઝરી જાહેર કરી હતી. જેની પ્રતિક્રિયા આપતા ત્યાંના વિદેશમંત્રીએ આવી ડંફાસ હાંકી હતી.
કેનેડા સરકારે ભારત દ્વારા જાહેર કરવામાં આવેલી ટ્રાવેલ એડવાઈઝરી વિશે પ્રતિક્રિયા આપી છે. આ મામલે જાહેર સુરક્ષામંત્રી ડોમિનિક લેબ્લાંકે કહ્યું છે કે, કેનેડા એક સુરક્ષિત દેશ છે. અમે ભારતની એડવાઈઝરીને ફગાવીએ છીએ. ઉલ્લેખનિય છે કે, મોદી સરકારે બુધવારે કેનેડામાં રહેતા ભારતીય નાગરિકો ખાસ કરીને વિદ્યાર્થીઓ માટે એક એડવાઈઝરી જાહેર કરી હતી. જેના જવાબમાં ત્યાંની સરકાર તરફથી આ ડંફાસ સુરાક્ષા મંત્રીએ હાંકી છે.
ભારત સરકાર દ્વારા જાહેર કરાયેલી એડવાઈઝરીમાં કહેવાયું હતું કે, કેનેડામાં વધતી ભારત વિરોધી પ્રવૃત્તિઓ અને રાજકીય રીતે સમર્થિત ધૃણાસ્પદ અપરાધો અને હિંસાને જોતા ત્યાં હાજર કે જવાનું વિચારી રહેલા ભારતીય નાગરિકોને અમે વધારે પડતી સાવચેતી રાખવા આગ્રહ કરીએ છીએ. કેનેડાના એ ક્ષેત્રો અને સંભવિત સ્થળોની મુલાકાત લેતા બચજો. જ્યાં આવી ઘટનાઓ બની છે. ભારતીય ઉચ્ચાયોગ કે વાણિજ્ય દૂતાવાસ કેનેડામાં રહેતા ભારતીય સમુદાયની સુરક્ષા અને ભલાઈ સુનિશ્ચિત કરવા માટે કેનેડિયન અધિકારીઓના સંપર્કમાં રહેશે.
ભારતની આ એડવાઈઝરીના અમુક કલાકો પછી જ કેનેડા સરકારે પ્રતિક્રિયા આપી હતી, જો કે તે પહેલા પણ કેનેડાની સરકારે તેના નાગરિકોને હાઈ લેવલની સાવચેતી રાખવા આગ્રહ કર્યો નાગરિકોને કહ્યું હતું કે અમુક સુરક્ષા સંબંધિત ચિંતાઓ અને સ્થિતિ ઝડપથી બદલાઈ શકે છે. દરેક સમયે સાવચેત રહે. સ્થાનિક મીડિયા પર નજર રાખે. સાથે જ ભારતમાં રહેતા તેના નાગરિકોને એવી પણ ભલામણ કરી હતી કે તેઓ દેશ છોડવા વિશે પણ વિચારી શકે છે. અગાઉ કેનેડાએ જમ્મુ-કાશ્મીરની મુલાકાત ટાળવાની એડવાઈઝરી પણ જાહેર કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
