Author: નોબત સમાચાર
પત્નીએ કરેલી ભરણપોષણની અરજીનો ખાર રાખી પતિએ સસરા પર કર્યાે હુમલો
સસરાને ગાળો ભાંડી જમાઈએ ફટકાર્યાે ધોકોઃ
જામનગર તા.૨૩ઃ જામનગરના એક પરિણીતા રિસામણે પિયર ચાલી આવ્યા પછી તેઓએ ભરણપોષણ મેળવવા પતિ સામે કોર્ટમાં અરજી કરી હતી. તે બાબતનો ખાર રાખી ગઈકાલે સવારે જમાઈએ દરબારગઢ સર્કલમાં સસરા પર ધોકાથી હુમલો કરી માર માર્યાે હતો.
જામનગરના કાલાવડ નાકા બહાર આવેલા મોરકંડા રોડ પર સેટેલાઈટ સોસાયટીમાં રહેતા સુલેમાનભાઈ અબ્દુલભાઈ ધ્રોલિયા નામના મેમણ પ્રૌઢની પુત્રીના નિકાહ કાલાવડ નાકા પાસે આવેલા રંગુનવાલા દવાખાના નજીક અકબરશા ચોકમાં રહેતા નવાઝખાન અયુબખાન પઠાણ ઉર્ફે ખાણીયા સાથે થયા હતા.
તે પછી સુલેમાનભાઈની પુત્રી રિસામણે પિયર ચાલી આવી હતી. તેણીએ પતિ પાસેથી ભરણપોષણ મેળવવા માટે અદાલતનો આશરો લીધો હતો. આ બાબતનો ખાર રાખી ગઈકાલે સવારે દરબારગઢ સર્કલ પાસેથી પસાર થતા સુલેમાનભાઈને જમાઈ નવાઝખાન પઠાણે આંતરી લીધા હતા. આ શખ્સે પોતાના સસરાને ગાળો ભાંડી જાનથી મારી નાખવાની ધમકી આપી બોલાચાલી કર્યા પછી પોતાની પાસે રહેલો ધોકો ફટકારી ઈજા પહોંચાડી હતી. સુલેમાનભાઈએ પોતાના જમાઈ સામે સિટી-એ ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
