Author: નોબત સમાચાર
ખંભાળિયા અને ભાણવડ તાલુકા સહકારી ખરીદ- વેંચાણ સંઘની આખરી મતદાર યાદીઓ પ્રસિદ્ધ
વાંધા-સૂચનોની મુદ્ત વિત્યા પછી
ખંભાળિયા તા. ર૩ઃ દેવભૂમિ દ્વારકા જિલ્લામાં ખંભાળિયા તાલુકા સહકારી ખરીદ-વેંચાણ સંઘ લિ. તેમજ ભાણવડ તાલુકા સહકારી ખરીદ વેંચાણ સંઘ લિ.ની વ્યવસ્થાપક સમિતિના સભ્યોની ચૂંટણી માટે વ્યવસ્થાપક સમિતિના સભ્યોની આખરી મતદાર યાદી પ્રસિદ્ધ કરવામાં આવી છે.
ખંભાળિયા તાલુકા સહકારી વેંચાણ સંઘ લિ. ખંભાળિયાની વ્યવસ્થાપક સમિતિના સભ્યોની ચૂંટણી માટેની કામચલાઉ મતદારયાદી તા. ર૯-૪-ર૦ર૩ ના પ્રાથમિક પ્રસિદ્ધ કરવામાં આવી હતી. કામચલાઉ મતદારયાદી સામે દાવા-વાંધા રજૂ કરવા માટે છેલ્લી તા. પ-પ-ર૦ર૩ નક્કી કરવામાં આવી હતી. જેમાં સુતારિયા સેવા સહકારી મંડળી લિ. દ્વારા દાવા-વાંધાઓ રજૂ કરવામાં આવ્યા હતાં અને આખરી મતદાર યાદીમાં આ મંડળીના પ્રતિનિધિના નામનો સમાવેશ કરવા હુકમ કરવામાં આવ્યો હતો.
આ ઉપરાંત ભાણવડ તાલુકા સહકારી ખરીદ-વેંચાણ સંઘ લિ.માં કામચલાઉ મતદારયાદી સામે કોઈ દાવા-વાંધાઓ રજૂ થયેલા નહોતા. તેમ ચૂંટણી સત્તાધિકારી અને પ્રાંત અધિકારી ખંભાળિયાની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
