Author: નોબત સમાચાર
કાલાવડના સીમ વિસ્તારમાં થયેલી કેબલ ચોરીનો ભેદ ખૂલ્યોઃ બે ઝબ્બે
કેબલ બાળી નાખી બનાવાયેલા ગુચ્છા કબજે કરાયાઃ
જામનગર તા.૨૩ ઃ કાલાવડ તાલુકાના પ્રભુજી પીપરીયા ગામ પાસેથી ઈલેકટ્રીક કેબલની ચોરી કરનાર બે શખ્સને કાલાવડ શહેર પોલીસે પકડી પાડયા છે.
કાલાવડ તાલુકાના પ્રભુજી પીપરીયા ગામ તરફ જવાના રસ્તા પરથી શુક્રવારે રાત્રે ઈલેકટ્રીક કેબલની ચોરી થઈ ગઈ હતી. જેની પોલીસમાં ફરિયાદ થયા પછી કાલાવડ શહેર પોલીસ સ્ટેશનના પીઆઈ બી.એમ. કાતરીયાની સૂચનાથી પીએસઆઈ એચ.બી. વડાવીયાના વડપણ હેઠળ તપાસ શરૃ કરાઈ હતી.
તે દરમિયાન જીતેન પાગડાર, સંજય બાલીયાને મળેલી બાતમીના આધારે કાલાવડ-રાજકોટ ધોરીમાર્ગ પરથી રમેશ ઉર્ફે શેરૃ દિલુભાઈ ગોચર અને રવજી રમુભાઈ સાડમીયા નામના બે શખ્સને અટકાયતમાં લેવામાં આવ્યા છે. આ શખ્સોના કબજામાંથી પ્લાસ્ટિકનું બાચકુ સાંપડ્યું હતું. જેમાંથી કેબલ બાળવાથી નીકળતા ધાતુના વાયરના ગુચ્છા મળી આવ્યા હતા.
તે વાયર અંગે પૂછપરછ કરાતા આ શખ્સોએ તે વાયર ચોરી કર્યાની કબૂલાત આપી છે. પોલીસે વાયરના ગુચ્છા કબજે કરી બંને શખ્સની ધરપકડ કરી છે. આ કાર્યવાહીમાં સ્ટાફના હાર્દિકપરી, અનિરૃદ્ધસિંહ, વિજય ઝુંઝા સાથે રહ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
