Author: નોબત સમાચાર
પતિને જુગાર રમવાના પૈસા ન આપવાનું કહ્યા પછી પત્નીને સાસરિયાએ આપ્યો ત્રાસ
વાંઝિયામેણાથી વ્યથિત થઈ મહિલાએ પીધું ઝેરઃ
જામનગર તા.૨૩ ઃ જામનગરના ગોકુલનગરમાં રહેતા એક મહિલા પાસે તેણીના પતિએ જુગાર રમવાના પૈસા માગતા બંને વચ્ચે બોલાચાલી થયા પછી પતિને સાસુએ પૈસા આપ્યા હતા. તે બાબતે પત્નીએ કહેતા પતિ, સાસુ, સસરા, દિયરે ધોલધપાટ કરી વાંઝિયામેણું મારતા આ પરિણીતાએ ઝેરના પારખા કર્યા છે. પોલીસે તેણીના નિવેદન પરથી ચારેય સાસરિયા સામે ગુન્હો નોંધ્યો છે.
જામનગરના ગોકુલનગર વિસ્તારમાં આવેલા પાણાખાણ ની શેરી નં.૯માં રહેતા સોલંકી આરતીબેન કારાભાઈ નામના દેવીપૂજક પરિણીતા પાસે જુગાર રમવા માટે પતિ કારાભાઈ ભોજાભાઈ સોલંકીએ પૈસા માગ્યા હતા પરંતુ પત્નીએ જુગાર રમવાના પૈસા આપવાનો ઈન્કાર કરતા શુક્રવારે બપોરે બોલાચાલી થઈ હતી.
તે પછી કારાભાઈને તેની માતા શાંતાબેને જુગાર રમવાના પૈસા આપતા આરતીબેને સાસુને પૈસા કેમ આપ્યા તેમ પૂછતા ઝઘડો થયો હતો. તે પછી શાંતાબેન, પતિ કારાભાઈ, સસરા ભોજાભાઈ, દિયર અજય સોલંકીએ ધમાલ કરી હતી. પતિ તથા સાસુએ આ પરિણીતાને તમાચા તથા ઢીકાપાટુથી માર માર્યાે હતો. જ્યારે સસરા તથા દિયરે તને સંતાન થતાં નથી તેમ કહી વાંઝિયામેણું મારી ગાળો ભાંડી હતી. આથી માઠું લાગી આવતા આરતીબેને ઝેરી દવા પી લીધી હતી.
આ મહિલાને સારવારમાં ખસેડવામાં આવ્યા પછી પોલીસને જાણ કરવામાં આવતા ગઈકાલે પીએસઆઈ એસ.એમ. સીસોદીયાએ આરતીબેનનંુ નિવેદન નોંધ્યું છે અને મહિલા પોલીસ સ્ટેશનના પીએસઆઈ આર.એ. ચનીયારાએ આરતીબેનની ફરિયાદ પરથી પતિ, સાસુ, સસરા, દિયર સામે આઈપીસી ૩૨૩, ૫૦૪, ૪૯૮ (ક), ૧૧૪ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
