Author: નોબત સમાચાર
જામનગરના ઈલેકટ્રીક કોન્ટ્રાક્ટરને ચેક પરતના કેસમાં બે વર્ષની કેદસજા
રૂપિયા અઢી લાખના ચેક પરતનો મામલોઃ
જામનગર તા.૮ : જામનગરના એક આસામી પાસેથી તેના મિત્ર અને ઈલેકટ્રીક કોન્ટ્રાક્ટર તરીકે કામ કરતા શખ્સે રૂ. અઢી લાખ હાથ ઉછીના મેળવી આપેલો ચેક પરત ફર્યાની ફરિયાદ કોર્ટમાં કરાઈ હતી. કોર્ટે આરોપીને બે વર્ષની કેદની સજા ફટકારી છે.
જામનગરમાં વસવાટ કરતા મહાવીરસિંહ ચૌહાણ અને હાર્દિક દિનેશભાઈ ભટ્ટ વચ્ચે મિત્રતાનો સંબંધ હતો. જેમાં હાર્દિક ભટ્ટને નાણાની જરૂર પડતા તેણે મહાવીરસિંહ પાસેથી રૂ. ૨ લાખ ૫૦ હજાર હાથઉછીના લીધા હતા.
તે રકમની પરત ચૂકવણી માટે ચેક આપ્યો હતો. તે ચેક પરત ફરતા હાર્દિક ભટ્ટને નોટીસ પાઠવાઈ હતી. તેમ છતાં બાકી રકમ ચૂકવવામાં ન આવતા મહાવીરસિંહે અદાલતમાં ફરિયાદ નોંધાવી હતી. તે કેસ ચાલવા પર આવતા આરોપી પક્ષે દલીલ કરી હતી કે, ફરિયાદી આ રકમ આપવા માટે સમક્ષ હોય તેવો કોઈ પુરાવો રજૂ થયો નથી અને આરોપી પાસેથી તેઓએ ચેક લીધો હોય તેમ ઉલટ તપાસમાં બહાર આવ્યું છે.
તે દલીલની સામે ફરિયાદ પક્ષે ચેકમાં સહી આરોપીની નથી તેમજ ચેકમાં લખાણ પણ તેઓએ કર્યું નથી તેવો કોઈ પુરાવો રજૂ થયો નથી. તે તેમજ અન્ય રજૂ કરેલી દલીલો ધ્યાને રાખી અદાલતે આરોપી હાર્દિક દિનેશભાઈ ભટ્ટને બે વર્ષની કેદ સજા ફટકારી છે. ફરિયાદી તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
