ટેરિફ મુદ્દે ટ્રમ્પની દાદાગીરી સામે નહીં ઝૂકીએઃ ભારતનાં પાડોશી દેશે કર્યો વળતો પ્રહાર

Author: નોબત સમાચાર

ટેરિફ મુદ્દે ટ્રમ્પની દાદાગીરી સામે નહીં ઝૂકીએઃ ભારતનાં પાડોશી દેશે કર્યો વળતો પ્રહાર

ટ્રેડ વોર ભડકી ઉઠે તેવી સંભાવનાઓએ સમગ્ર વિશ્વની ચિંતા વધારી

નવીદિલ્હી તા. ૮: અમેરિકા ચીન વચ્ચે ટેન્શન વધી રહ્યું છે. ટ્રમ્પે ચીન ઉપર ૫૦% વધારાના ટેરિફ ઝીંકવાની ધમકી આપી તો ચીને વળતા પ્રહારની દાટી મારી છે. ચીને એલાન કર્યુ છે કે બે આખલાની લડાઈને કારણે આવતા દિવસોમાં ટ્રેડવોર ભડકી ઉઠે તેવી શકયતા છે.

વિશ્વની બે સૌથી મોટી અર્થવ્યવસ્થાઓ અમેરિકા અને ચીન વચ્ચે તણાવ વધી રહૃાો છે. સોમવારે યુએસ રાષ્ટ્રપતિ ડોનાલ્ડ ટ્રમ્પે ચીન પર વધારાના ૫૦ ટકા ટેરિફ લાદવાની ધમકી આપી હતી. ચીને પણ પ્રતિક્રિયા આપતા કહૃાું છે કે જો અમેરિકા ચીની વસ્તુઓ પર વધુ ૫૦% ટેક્સ લાદશે તો તે બદલો લેશે. તેણે કહૃાું કે ચીન પોતાના અધિકારો અને હિતોનું રક્ષણ કરવા માટે આમ કરશે. ચીનના વાણિજ્ય મંત્રાલયે એક નિવેદનમાં જણાવ્યું હતું કે અમેરિકા દ્વારા ચીન પર કહેવાતા પારસ્પરિક ટેરિફ લાદવાનો નિર્ણય સંપૂર્ણપણે ખોટો છે. આ એકતરફી દાદાગીરી છે. ચીને અગાઉ પણ બદલો લેવા માટે ટેરિફ લગાવ્યા છે.

મંત્રાલયે સંકેત આપ્યો કે વધુ ટેરિફ લાદવામાં આવી શકે છે. ચીન દ્વારા લેવામાં આવેલા પ્રતિકૂળ પગલાંનો હેતુ તેની સાર્વભૌમત્વ, સુરક્ષા અને વિકાસ હિતોનું રક્ષણ કરવાનો છે. ઉપરાંત, સામાન્ય આંતરરાષ્ટ્રીય વેપાર વ્યવસ્થા જાળવી રાખવી પડશે. આ સંપૂર્ણપણે વાજબી છે. ચીન પર ટેરિફ વધારવાની અમેરિકાની ધમકી એક પછી એક ભૂલ છે. આ ફરી એકવાર અમેરિકાના બ્લેકમેઇલિંગના સ્વભાવને ઉજાગર કરે છે. ચીન આ કયારેય સ્વીકારશે નહીં. જો અમેરિકા મનસ્વી રીતે કામ કરશે તો ચીન અંત સુધી લડશે.

સીએનબીસીના અહેવાલ મુજબ, ચીનના વાણિજ્ય મંત્રાલયે કહૃાું છે કે'' ચીન પર ટેરિફ વધારવાની અમેરિકાની ધમકી એ ભૂલ ઉપર બીજી ભૂલ છે'' ચીન આ કયારેય સ્વીકારશે નહીં. જો અમેરિકા પોતાના વલણ પર અડગ રહેશે, તો ચીન અંત સુધી લડશે.

હકીકતે ગયા શુક્રવારે, ચીનના નાણા મંત્રાલયે અમેરિકાથી આયાત થતી તમામ ચીજવસ્તુઓ પર વધારાની ૩૪ ટકા ટેરિફ લાદવાની જાહેરાત કરી હતી, જે ૧૦ એપ્રિલથી શરૂ થશે. ટ્રમ્પ દ્વારા ચીન પર ૩૪ ટકાનો નવો ટેરિફ લાદવાના જવાબમાં આ એક પ્રતિક્રિયા હતી. ચીન પર ૩૪ ટકા ટેરિફ ફેબ્રુઆરીમાં લાદવામાં આવેલી ૨૦ ટકા ડ્યુટી ઉપરાંત હતી, જેના કારણે આ વર્ષે ચીન પર કુલ ટેરિફ ૫૪ ટકા થયો છે.

ટ્રમ્પની ધમકીનો વળતો પ્રહાર કર્યા પછી, ચીને સ્પષ્ટ કરી દીધું છે કે તે અમેરિકાનો સામનો કરવાના મૂડમાં છે. ચીન પહેલાથી જ ૬૦% થી વધુ ટેરિફનો સામનો કરી રહૃાું છે, તેથી તે ૫૦% વધે કે ૫૦૦%, તેનાથી કોઈ ફરક પડતો નથી, ઇકોનોમિસ્ટ ઇન્ટેલિજન્સ યુનિટના વરિષ્ઠ અર્થશાષાી તિયાનચેન ઝુએ જણાવ્યું. તેમણે કહૃાું કે બેઇજિંગ અમેરિકા સાથે ેપૂર્ણ વિકસિત વેપાર યુદ્ધ માટે તૈયાર છે. ચીન રક્ષણાત્મક બાજુ પર છે, પરંતુ મૂળભૂત રીતે બંને એકબીજાની મર્યાદાઓનું પરીક્ષણ કરી રહૃાા છે, ઝુએ કહૃાું.

સોમવારે ટ્રમ્પે ચીન પર વધારાના ટેરિફ લાદવાની ધમકી આપી હતી. આનાથી નવી ચિંતાઓ ઉભી થઈ છે કે વૈશ્વિક અર્થતંત્રને ફરીથી સંતુલિત કરવાના તેમના પ્રયાસથી વિનાશક વેપાર યુદ્ધ વધી શકે છે. ટેરિફ યુદ્ધને કારણે ટોકયોથી ન્યૂ યોર્ક સુધીના શેરબજારોમાં અસ્થિરતા આવી છે.

ટ્રમ્પની આ ધમકી ચીન દ્વારા ગયા અઠવાડિયે અમેરિકા દ્વારા જાહેર કરાયેલા ટેરિફનો જવાબ આપવાના નિવેદન બાદ આવી છે. ટ્રમ્પે પોતાના સોશિયલ મીડિયા પ્લેટફોર્મ ''ટુથ સોશિયલ'' પર લખ્યું, જો ચીન કાલ, ૮ એપ્રિલ, ૨૦૨૫ સુધીમાં તેના હાલના વેપાર ઉલ્લંઘન પર ૩૪%નો વધારો પાછો ખેંચશે નહીં, તો અમેરિકા ૯ એપ્રિલથી ચીન પર વધારાનો ૫૦% ટેરિફ લાદશે. વધુમાં, ચીન સાથેની તેમની બેઠકો અંગેની બધી વાતચીતો સમાપ્ત કરવામાં આવશે.

જો ટ્રમ્પ ચીની ઉત્પાદનો પર નવા ટેરિફ લાદે છે, તો ચીની ઉત્પાદનો પર કુલ યુએસ ટેરિફ ૧૦૪% સુધી પહોંચી જશે. ચીન અમેરિકાના ટોચના વેપાર ભાગીદારોમાંનું એક છે. ફેડરલ રિઝર્વના ચેરમેન જેરોમ પોવેલે શુક્રવારે ચેતવણી આપી હતી કે ટેરિફ ફુગાવાને વેગ આપી શકે છે. યુરોપિયન કમિશનના પ્રમુખ ઉર્સુલા વોન ડેર લેયેને જણાવ્યું હતું કે અમેરિકા સિવાયના દેશો સાથે વેપાર પર ધ્યાન કેન્દ્રિત કરશે. તેમણે કહૃાું કે, અન્યત્ર ઘણી તકો છે.

જો આપને આ પોસ્ટ ગમી હોય તો શેર કરો...