છાતીમાં ગભરામણ ઉપડ્યા પછી પ્રૌઢનું મૃત્યુ

Author: નોબત સમાચાર

છાતીમાં ગભરામણ ઉપડ્યા પછી પ્રૌઢનું મૃત્યુ

ધતુરીયામાં ચેકડેમમાં ડૂબી જવાથી શ્રમિકનું મોતઃ

જામનગર તા.૧૪ ઃ જામનગરના ગોરધનપરમાં રહેતા એક પ્રૌઢને છાતીમાં ગભરામણ ઉપડ્યા પછી તેઓનું મૃત્યુ થયું છે. જ્યારે કલ્યાણપુરના ધતુરીયામાં ચેકડેમમાં ન્હાવા પડેલા એક શ્રમિક ડૂબી જવાથી મોતને શરણ થયા છે.

જામનગર-ખંભાળિયા ધોરીમાર્ગ પર આવેલા ગોરધનપર ગામ નજીકના મારૃતીનગરમાં પાણીના ટાંકા પાસે રહેતા વનરાજસિંહ જીવુભા ચુડાસમા નામના બાવન વર્ષના પ્રૌઢ બુધવારે રાત્રે ભોજન લીધા પછી પોતાના પુત્ર સાગરસિંહ સાથે બેઠા હતા. આ વેળાએ વનરાજસિંહને ગભરામણ થવા લાગતા તેઓને સારવાર માટે જામનગરની જી.જી. હોસ્પિટલમાં ખસેડવામાં આવ્યા હતા.

આ પ્રૌઢનું ગઈકાલે સવારે મૃત્યુ થયું છે. તેમના પુત્ર સાગરસિંહે પોલીસને જાણ કરી છે. સિક્કા પોલીસે અપમૃત્યુ અંગે નોંધ કરી છે.

કલ્યાણપુર તાલુકાના ધતુરીયા ગામની નાથાભાઈ અરશીભાઈની વાડીમાં મજૂરીકામ માટે આવીને રહેતા મૂળ સુરતના કામરેજના વિરાણા ગામના સંજયભાઈ કાલીદાસ રાઠોડ (ઉ.વ.૪ર) નામના યુવાન ગઈકાલે સાંજે વાડી પાસે આવેલ ચેકડેમમાં ન્હાવા માટે ઉતર્યા હતા. આ યુવાન કોઈ રીતે ઉંડાણમાં પહોંચ્યા પછી ડૂબી જતાં મોતને શરણ થયા છે. રમણભાઈ નટવરભાઈ રાઠોડે પોલીસને જાણ કરી છે.

જો આપને આ પોસ્ટ ગમી હોય તો શેર કરો...