જામ્યુકો સફાઈ સૈનિક ક્રેડીટ એન્ડ કન્ઝયુમર સોસાયટીની સાધારણસભા

Author: નોબત સમાચાર

જામ્યુકો સફાઈ સૈનિક ક્રેડીટ એન્ડ કન્ઝયુમર સોસાયટીની સાધારણસભા

સોસાયટીના દસ સભ્યોની મરણ સહાય અપાઈઃ

જામનગર તા. ૧૪ઃ જામનગર મહાનગરપાલિકા સફાઈ સૈનિક ક્રેડીટ એન્ડ કન્ઝયુમર સોસાયટીની વાર્ષિક સાધારણ સભા યોજવામાં આવી હતી. જેમાં મુખ્ય મહેમાન તરીકે હરિદાસ જીવણદાસ-બાબુલાલના ટ્રસ્ટી શ્રી જીતુભાઈ લાલ ઉપસ્થિત રહ્યા હતાં અને તેઓએ સફાઈ સૈનિકની પ્રગતિની પ્રશંસા કરી હતી.

આ વાર્ષિક સાધારણ સભામાં ગત વર્ષની સાધારણ સભાના એજન્ડાને બહાલી આપવામાં આવી હતી. સોસાયટીના મેનેજર શ્રી રાજુભાઈએ સોસાયટીનો આવક-જાવકનો અહેવાલ આપી સોસાયટીના દસ સભ્યોને મરણ સહાય રૃપિયા પચ્ચીસ હજાર લેખે દસ સભાસદોને આપ્યા હતાં. પ્રથમ વર્ષે તમામ સભાસદોને ચોપડા વિતરણ કરવામાં આવ્યું હતું. વ્ય. કમિટીના સભાસદોને મરણક્રિયાના પચ્ચીસ હજાર સોસાયટી તરફથી આપવામાં આવતા હતા તેને વધારીને પચાસ હજાર કરવામાં આવ્યા તેમજ સભાસદોને કેન્સર અને કીડનીની બીમારી સબબ સાધારણ સભામાં સર્વાનુમતે પચ્ચીસ હજાર આપવાનો ઠરાવ કરવામાં આવ્યો હતો. આગામી દિવસોમાં બચત કાપવામાં પણ વધારો કરવામાં આવશે તથા સોસાયટીના સભ્યોના બાળકો શિક્ષણમાં ખૂબ જ આગળ વધે તેવા ઉમદા પ્રયાસો કરવામાં આવશે.

આ પ્રસંગે રવજીભાઈ વાઘેલા દ્વારા સભાસદોને સોસાયટીને વફાદાર રહેવા અને તેનું જતન કરવા સૂચન કરવામાં આવ્યું હતું. આ તકે સોસાયટીના પ્રમુખ હરીશભાઈ કે. ચૌહાણએ થાપણદારોનો આભાર માન્યો હતો અને ત્યારપછી તેઓ દ્વારા સભાસદોને સરળતાથી લોન મળે અને રૃપિયા પચાસ હજાર મરણ સહાય તથા રૃપિયા પચ્ચીસ હજાર બીમારી સહાય આપવા અંગે ઠરાવ કરવામાં આવ્યો હતો. આ સાધારણ સભામાં મધ્યસ્થ પંચાયતના શ્રી જે.કે. ચૌહાણ, લાલજીભાઈ રાઠોડ, સંજયભાઈ ચૌહાણ, મધ્યસ્થ પંચાયતના પ્રમુખ નવીનભાઈ વાઘેલા, કાંતિભાઈ પાટડીયા, વિનુભાઈ સોલંકી, દિલીપભાઈ બેરડીયા, બિપીનભાઈ ધાવરી, સમાજના ધર્મગુરૃ સામજી બાપુ, વ્રજલાલ મકવાણા, કિરીટભાઈ મકવાણા તથા કારોબારી સભ્યો, સોસાયટીના સભ્યશ્રીઓ હાજર રહ્યા હતાં. સમગ્ર કાર્યક્રમનું સંચાલન મધ્યસ્થ પંચાયતના પ્રમુખ સંજયભાઈ ચૌહાણે કર્યું હતું.

જો આપને આ પોસ્ટ ગમી હોય તો શેર કરો...