કનસુમરાની જમીન અંગેના દાવામાં વચગાળાના મનાઈહુકમની માંગણી રદ્દ

Author: નોબત સમાચાર

કનસુમરાની જમીન અંગેના દાવામાં વચગાળાના મનાઈહુકમની માંગણી રદ્દ

અગાઉ કરાયેલી કાર્યવાહી અંગેની દલીલ પછી

જામનગર તા.૧૪ ઃ જામનગરના કનસુમરા ગામમાં આવેલી એક જમીનમાંથી હિસ્સો અલગ કરાવવા એક મહિલા સહિતના વાદીઓએ અદાલતમાં દાવો કરી વચગાળાના મનાઈ હુકમની માંગણી કરી હતી. તે માંગણી અદાલતે નામંજૂર રાખી છે.

જામનગર તાલુકાના કનસુમરા ગામમાં આવેલી જૂના રે.સ.નં.૨૫, ૨૦૫, ૪૩૮, ૪૭૨વાળી જમીન અંગે હવાબાઈ ઈશાક ખીરા, રોશનબેન ઈશાક ખીરાએ વારસદાર તરીકે હિસ્સો જુદો કરાવવા તથા કબજો અપાવવા અંગે કાસમ સુલતાન ખીરા વગેરે સામે અદાલતમાં દાવો કર્યાે હતો અને વચગાળાનો મનાઈ હુકમ માગ્યો હતો.

તે દાવામાં હાજર થયેલા કાસમ ખીરાએ વચગાળાના મનાઈહુકમની અરજી અંગે લેખિત જવાબ તથા દલીલો કરી હતી. વાદી હવાબાઈ વગેરેએ નોંધ નં.૫૩૬ કે જે તા.૧૫-૪-૭૬ના દિને કરવામાં આવી છે તેને ૪૩ વર્ષ પછી પડકારી છે. અગાઉ પણ પ્રાંત અધિકારી અને કલેક્ટર સમક્ષ તેને પડકારવામાં આવી હતી. જેમાં તેઓની તરફેણમાં હુકમ થયો નથી અને તમામ કાર્યવાહીની હકીકત દાવામાં છૂપાવાઈ છે. અદાલતે તે દલીલ ગ્રાહ્ય રાખી વાદી હવાબાઈ વગેરેની વચગાળાની મનાઈ હુકમની માંગણી નામંજૂર કરી છે. પ્રતિવાદી કાસમ ખીરા તરફથી વકીલ નાથાલાલ ઘાડીયા, પરેશ સભાયા, હીરેન સોનગરા, રાકેશ સભાયા, ગજેન્દ્રસિંહ ઝાલા, નૈમિષ ઉમરેટીયા રોકાયા હતા.

જો આપને આ પોસ્ટ ગમી હોય તો શેર કરો...