Author: નોબત સમાચાર
ભાણવડના બોડકીના શખ્સ પાસેથી દેશી બનાવટનો કટ્ટો કબજે કરાયો
બીજા રાજ્યમાંથી હથિયાર લાવ્યાની કબૂલાતઃ
જામનગર તા.૨૧ ઃ ભાણવડ તાલુકાના બોડકી ગામમાંથી એક શખ્સને દેશી બનાવટના કટ્ટા સાથે દ્વારકા એસઓજીએ પકડી પાડ્યો છે. આ શખ્સ ટ્રક ડ્રાઈવીંગ કરે છે અને બીજા રાજ્યમાંથી કટ્ટો લાવ્યાનું ખૂલ્યું છે.
દેવભૂમિ દ્વારકા જિલ્લાના ભાણવડ તાલુકાના બોડકી ગામના એક શખ્સ પાસે ગેરકાયદેસરનંુ અગ્નિશસ્ત્ર હોવાની બાતમી દ્વારકા એસઓજીના સ્ટાફને મળતા ઈન્ચાર્જ પીઆઈ પી.સી. સીંગરખીયાના વડપણ હેઠળ એસઓજીનો સ્ટાફ બોડકી ગામમાં દોડી ગયો હતો.
ત્યાંથી રાજુ દેવશીભાઈ ખીંટ નામનો શખ્સ દેશી બનાવટના કટ્ટા સાથે મળી આવ્યો હતો. એસઓજીએ તે કટ્ટો કબજે કરી આ શખ્સની પૂછપરછ કરતા રાજુ ખીંટે જણાવ્યા મુજબ તે શખ્સ ટ્રક ડ્રાઈવીંગનું કામ કરે છે. તેણે બીજા રાજ્યમાંથી ઉપરોક્ત કટ્ટો ખરીદ્યો હતો અને પોતાની પાસે રાખ્યો હતો. આરોપી સામે ભાણવડ પોલીસ સ્ટેશનમાં આર્મ્સ એક્ટ હેઠળ ગુન્હો નોંધાવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
