વડાપ્રધાન નરેન્દ્ર મોદી આજથી ગુજરાતમાંઃ વાયબ્રન્ટ ગુજરાતનું કરશે ઉદ્ઘાટન

Author: નોબત સમાચાર

વડાપ્રધાન નરેન્દ્ર મોદી આજથી ગુજરાતમાંઃ વાયબ્રન્ટ ગુજરાતનું કરશે ઉદ્ઘાટન

આવતીકાલે મહાત્મા મંદિરમાં કાર્યક્રમોઃ વિશ્વના નેતાઓ-સભ્યો સાથે બેઠકોઃ

ગાંધીનગર તા. ૮ઃ વડાપ્રધાન નરેન્દ્ર મોદી આજથી ત્રણ દિવસ ગુજરાતમાં છે. તેઓ આવતીકાલે ૯ મી જાન્યુઆરીના સવારે ૯-૩૦ વાગ્યે ગાંધીનગરમાં મહાત્મા મંદિરમાં પહોંચશે, જ્યાં તેઓ વિશ્વના નેતાઓ સાથે દ્વિપક્ષીય બેઠકો યોજશે અને પછી ટોચની વૈશ્વિક કંપનીઓના સીઈઓ સાથે બેઠક યોજશે.

ગુજરાતમાં વાઈબ્રન્ટ સમિટને હવે ગણતરીના દિવસો બાકી રહ્યા છે, અને લોકસભા ચૂંટણીને પણ ગણતરીના મહિના જ બાકી છે. આ બધાની વચ્ચે વડાપ્રધાન નરેન્દ્ર મોદી ૮ મી જાન્યુઆરીથી ત્રણ દિવસના પ્રવાસે આવી રહ્યા છે. વડાપ્રધાન ૯ મી જાન્યુઆરીના સવારે ૯-૩૦ વાગ્યે ગાંધીનગર માં મહાત્મા મંદિરમાં પહોંચશે, જ્યાં તેઓ વિશ્વના નેતાઓ સાથે દ્વિપક્ષીય બેઠકો યોજશે અને પછી ટોચની વૈશ્વિક કંપનીઓના સીઈઓ સાથે બેઠક યોજશે. બપોરે લગભગ ત્રણ વાગે તેઓ વાઈબ્રન્ટ ગુજરાત ગ્લોબલ ટ્રેડ શોનું ઉદ્ઘાટન કરશે.

૧૦ જાન્યુઆરીના સવારે ૯-૪પ વાગ્યે ગાંધીનગરમાં મહાત્મા મંદિરમાં વાઈબ્રન્ટ ગુજરાત ગ્લોબલ સમિટ ર૦ર૪ નું ઉદ્ઘાટન કરશે. ત્યારપછી તેઓ ટોચની વૈશ્વિક કંપનીઓના સીઈઓ સાથે બેઠક યોજશે. ત્યારપછી ગિફ્ટ સિટીની મલાકાત લેશે, જ્યાં સાંજે લગભગ પ-૧પ વાગ્યે તેઓ ગ્લોબલ ફિનટેક લીડરશીપ ફોરમમાં અગ્રણી વ્યાવસાયિક અગ્રણીઓ સાથે વાતચીત કરશે.

વાઈબ્રન્ટ ગુજરાત ગ્લોબલ સમિટનું દસમું સંસ્કરણ ૧૦ થી ૧૪ જાન્યુઆરી, ર૦ર૪ દરમિયાન ગુજરાતના ગાંધીનગરમાં યોજાઈ રહ્યું છે. તેની થીમ 'ગેટવે ટુ ધ ફ્યુચર' છે સમિટની આ દસમી આવૃત્તિ વાઈબ્રન્ટ ગુજરાતને સફળતાના શિખર સંમેલન તરીકે ઉજવશે. આ વર્ષની સમિટ માટે ર૪ ભાગીદાર દેશો અને ૧૬ ભાગીદાર સંગઠનો છે.

આ ઉપરાંત પૂર્વોત્તર ક્ષેત્ર વિકાસ મંત્રાલય વાયબ્રન્ટ ગુજરાત પ્લેટફોર્મનો ઉપયોગ પૂર્વોત્તર ક્ષેત્રોમાં રોકાણની તકો પ્રદર્શિત કરવા માટે કરશે. સમિટમાં ઈન્ડસ્ટ્રી ૪.૦, ટેકનોલોજી અને ઈનોવેશન, સસ્ટેઈનેબલ મેન્યુફેક્ચરીંગ, ગ્રીન હાઈડ્રોજન, ઈલેકટ્રિક મોબિલિટી અને રિન્યુએબલ એનર્જી તથા સસ્ટેઈનેબિલિટી તરફ ટ્રાન્ઝિશન વૈશ્વિક સ્તરે પ્રસ્તુત વિષયો પર સેમિનાર અને કોન્ફરન્સ સહિત વિવિધ કાર્યક્રમોનું આયોજન કરવામાં આવશે. વાઈબ્રન્ટ ગુજરાત ગ્લોબલ ટ્રેડ શોમાં કંપનીઓ વર્લ્ડ ક્લાસ સ્ટેટ ઓફ ધ આર્ટ ટેકનોલોજીમાંથી બનેલી પ્રોડક્ટનું પ્રદર્શન કરશે. ઈ-મોબિલિટી, સ્ટાર્ટ-અપ્સ, એમએસએમઈ, બ્લૂ ઈકોનોમી, ગ્રીન એનર્જી અને સ્માર્ટ ઈન્ફ્રાસ્ટ્રક્ચર જેવા કેટલાક સેન્ટર્સ સેક્ટર્સ ટ્રેડ શોમાં સામેલ છે.

જો આપને આ પોસ્ટ ગમી હોય તો શેર કરો...