Author: નોબત સમાચાર
ખોડિયારકોલોની પાસે રહેણાંક, ફ્લેટમાંથી નવ બોટલ દારૃ સાથે એક શખ્સની ધરપકડ
સ્કૂટરમાંથી ઝડપાયા બીયરના છ ટીનઃ
જામનગર તા. ૮ઃ જામનગરના ખોડિયારકોલોની વિસ્તારમાંથી પોલીસે સ્કૂટરમાં બીયરના છ ટીન લઈને જતાં બે શખ્સને પકડી પાડ્યા પછી તેઓએ સપ્લાયરનું નામ આપ્યું હતું. તે શખ્સના ઘરે પોલીસે દરોડો પાડતા ત્યાંથી દારૃની નવ બોટલ મળી આવી હતી. જ્યારે સિક્કામાંથી એક શખ્સ બોટલ સાથે ઝડપાઈ ગયો હતો.
જામનગરના ખોડીયાર કોલોની વિસ્તારમાં આવેલા ક્રિસ્ટલ મોલ સામેના રાધેશ્યામ અપાર્ટમેન્ટમાં એક રહેણાંકમાં અંગ્રેજી શરાબનો જથ્થો પડ્યો હોવાની બાતમી પરથી શનિવારે સાંજે સિટી-સી ડિવિઝન પોલીસ સ્ટેશનના સ્ટાફે દરોડો પાડ્યો હતો. તે એપાર્ટમેન્ટના પ્રથમ માળે જયેશ પ્રવીણભાઈ માતંગ નામના શખ્સના રહેણાંકમાં તલાશી લેવાતા ત્યાંથી ભારતીય બનાવટના અંગ્રેજી શરાબની નવ બોટલ મળી આવી હતી. આ શખ્સની પોલીસે ધરપકડ કરી છે.
જામનગરના ખોડીયાર કોલોની વિસ્તારમાં આવેલા રાજ ચેમ્બર પાસેથી શનિવારે બપોરે પસાર થતાં જીજે-૧૦-ડીડી ૨૧૬૨ નંબરના એક્સેસ સ્કૂટરને પોલીસે શકના આધારે રોકાવી તલાશી લેતા તે સ્કૂટરમાંથી બિયરના છ ટીન મળી આવ્યા હતા. બીયર સાથે પ્રતીકસિંહ અનિરુદ્ધસિંહ જાડેજા તથા રાજેન્દ્રસિંહ રણજીતસિંહ ચાવડા નામના બે શખ્સની ધરપકડ કરવામાં આવી છે. પોલીસે બીયરના ટીન, બે મોબાઈલ તથા રૃપિયા ૪૦,૦૦૦નું સ્કૂટર મળી કુલ રૃા.૬૦,૬૦૦નો મુદ્દામાલ કબજે કર્યો છે. આ બંને શખ્સની પૂછપરછ કરાતા તેઓએ આ ટીન ખોડિયારકોલોનીમાં ક્રિસ્ટલ મોલ સામે આદર્શ સોસાયટીમાં રહેતા જયેશ પ્રવીણભાઈ માતંગ પાસેથી લીધાની કબુલાત કરી છે.
જામનગર તાલુકાના સિક્કામાં એમટીએફ જુના ગેઈટ પાસેથી ગઈકાલે સાંજે વિજય જયંતિભાઈ રાઠોડ નામનો શખ્સ દારૃની એક બોટલ સાથે ઝડપાઈ ગયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
