Author: નોબત સમાચાર
મોટી ખાવડીમાં બોગસ તબીબના કહેવાતા ક્લિનિકમાં એસઓજીનો દરોડોઃ નોંધાયો ગુન્હો
બંગાળી શખ્સ ડોક્ટર ન હવા છતાં કરતો હતો પ્રેક્ટિસઃ
જામનગર તા.૪ ઃ જામનગરના મોટી ખાવડી ગામમાંથી ગઈકાલે એસઓજીએ એક બંગાળી શખ્સને ડોક્ટર ન હોવા છતાં પ્રેક્ટિસ કરતો પકડી પાડ્યો છે. આ શખસના કહેવાતા ક્લિનિકમાંથી દવા, સ્ટેથોસ્કોપ સહિતનો મુદ્દામાલ કબજે કરવામાં આવ્યો છે.
જામનગરના મોટી ખાવડી ગામમાં એક શખ્સ તબીબ ન હોવા છતાં ડોક્ટર તરીકે પ્રેક્ટિસ કરી લોકોની જિંદગી સાથે રમત રમતો હોવાની બાતમી જામનગર એસઓજીના મયુદ્દીન સૈયદ, અરજણભાઈ તથા ચંદ્રસિંહને મળતા ગઈકાલે સાંજે એસઓજી સ્ટાફે મોટી ખાવડીમાં મુખ્ય બજાર પાસે આવેલા જૈન મંદિર નજીક દરોડો પાડ્યો હતો.
ત્યાં આવેલા મૂળ પશ્ચિમ બંગાળના વતની અને હાલમાં જામનગરના ક્રિષ્નનગરમાં રહેતા દીપક દુલાલચંદ્ર શાહ નામના ત્રેપન વર્ષના શખ્સના કહેવાતા ક્લિનિકમાં દરોડો પાડવામાં આવ્યો હતો.
તે ક્લિનિકમાં બીમારી લોકોની સારવાર કરતા દીપક શાહની પૂછપરછ કરાતા આ શખ્સ ડોક્ટરની ડિગ્રી ન ધરાવતો હોવા છતાં પ્રેક્ટિસ કરતો હોવાનું ખૂલ્યું છે. સ્થળ પરથી એસઓજીએ અલગ અલગ કંપનીની દવા સ્ટેથોસ્કોપ વગેરે કબજે કરી દીપક શાહ સામે મેઘપર પોલીસ સ્ટેશનમાં ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
