હાલારના ધારાસભ્યો દ્વારા પ્રશ્નોત્તરી

Author: નોબત સમાચાર

હાલારના ધારાસભ્યો દ્વારા પ્રશ્નોત્તરી

ગુજરાત વિધાનસભાના દ્વારેથી...

ગાંધીનગર તા.૪ (જીતેન્દ્ર ભટ્ટ દ્વારા) ઃ ૭૮-જામનગરના ધારાસભ્ય રિવાબા જાડેજાના સુરક્ષા સેતુ યોજનામાં મહિલાઓનો તાલીમ અંગે પુછાયેલા પ્રશ્નના ઉત્તરમાં ગૃહમંત્રીએ જણાવ્યું હતું કે, તા.૩૧-૧૨-૨૨ની સ્થિતિએ છેલ્લા બે વર્ષમાં ૩૮૫૦ મહિલાઓને તાલીમ આપવામાં આવી છે.

કાલાવડના ધારાસભ્ય મેઘજીભાઈ ચાવડાએ મહેસુલ વિભાગમાં પેન્ડીંગ અરજીઓ અંગે પ્રશ્ન ઉઠાવતા મંત્રીએ જણાવ્યું કે, આધાર પુરાવા રજૂ ન કરવા, કોર્ટ કેસ, ટુકડા ધારાનો ભંગ જેવી નોંધોના કારણે અરજીઓ નામંજૂર થઈ છે. એક વર્ષમાં ૪૧૬૭નો નિકાલ કરવાનો બાકી છે.

જામજોધપુરના ધારાસભ્ય હેમતભાઈ ખવાના પ્રશ્નના ઉત્તરમાં મંત્રીએ જણાવ્યું હતું કે, પર્યાવરણ ઈસી ખનીજ અંગે જામનગરમાં ૨૧, દ્વારકામાં ૯૨ તેમજ ગૌણ ખનીજમાં જામનગરમાં ૧૧૨ અને દ્વારકામાં ૨૨ મળી કુલ ૧૩૩ તથા ૧૧૪ લોકોની સંખ્યા છે.

પર્યાવરણ પ્રમાણપત્ર ન મેળવેલ હોય તેવા કિસ્સાઓમાં નોટીસ આપવામાં આવી છે. તેમજ ખોદકામ બંધ કરવાની કાર્યવાહી હાથ ધરવામાં આવી છે.

તેમના અન્ય એક પ્રશ્નના ઉત્તરમાં મંત્રીએ જણાવ્યું હતું કે, કાચા રસ્તાઓને ડામર સપાટીએ બનાવવાની કામગીરી સત્વરે હાથ ધરવામાં આવશે.

જિલ્લામાં તા.૩૧-૧૨-૨૨ની સ્થિતિએ કા.પા. ઈજનેર (પંચાયત)ની એક જગ્યા મંજૂર કરવામાં આવી છે. એક બદલીના કારણે ઈન્ચાર્જથી કામ ચાલે છે. વહીવટી અનુકૂળતાએ ભરાશે.

જો આપને આ પોસ્ટ ગમી હોય તો શેર કરો...