પોલીસને બાતમી આપતો હોવાની આશંકા સેવી ધ્રોલના હરીપરના યુવાનને અપાઈ ધમકી

Author: નોબત સમાચાર

પોલીસને બાતમી આપતો હોવાની આશંકા સેવી ધ્રોલના હરીપરના યુવાનને અપાઈ ધમકી

જામજોધપુરના ઘેલડામાં દંપતી પર થયો હુમલોઃ

જામનગર તા.૪ ઃ ધ્રોલના હરીપરના એક યુવાનને બે શખ્સે અમારી બાતમી પોલીસને કેમ આપશ તેમ કહી ફોન તથા રૃબરૃમાં મળી ગાળો ભાંડી ધમકી આપી હતી. જ્યારે જામજોધપુરના ઘેલડામાં એક દંપતી પર ત્રણ શખ્સે ધોકા વડે હુમલો કરી માર માર્યાે હતો.

ધ્રોલ તાલુકાના હરીપર ગામમાં રહેતા મનિષ ધીરજભાઈ પરમાર નામના યુવાનને ધ્રોલના ગાંધી ચોકમાં ગુરૃવારની રાત્રે ધ્રોલના પવન રાજેશભાઈ શ્રીમાળી ઉર્ફે મયુર તથા માંડા ખીમા ઝુંઝા નામના બે શખ્સે રોકી લીધો હતો.

આ શખ્સોએ તું અમારી બાતમી પોલીસને કેમ આપશ તેમ કહી ગાળો ભાંડ્યા પછી તારા પગના નરા ભાંગી નાખવા છે, જીવતો રહેવા દેવો નથી તેમ કહી રૃબરૃમાં તેમજ ફોન પર ગાળો ભાંડી ધમકી આપી હતી. આ બાબતની મનિષ પરમારે ધ્રોલ પોલીસ સ્ટેશનમાં ફરિયાદ નોંધાવી છે.

જામજોધપુર તાલુકાના ઘેલડા ગામના જયેશ નગાભાઈ કારેણા નામના યુવાનને ગઈકાલે સાંજે વાડી વિસ્તારમાં આવેલી તેની વાડીએ જઈ શૈલેષ નથુભાઈ કારેણા, ખીમા હીરાભાઈ કારેણા, લક્ષ્મણ ખીમાભાઈ કારેણા નામના ત્રણ શખ્સે ગાળો ભાંડી હતી. આ વેળાએ જયેશના કાકાજી વજશીભાઈને પણ ગાળો ભાંડવામાં આવતા તેમ કરવાની જયેશે ના પાડતા તેના ઘરે ધસી આવી ઉપરોક્ત ત્રણેય શખ્સે હુમલો કર્યાે હતો. વચ્ચે પડનાર જયેશના પત્નીને પેટમાં લાત મારી લક્ષ્મણે પછાડી દીધા હતા. જ્યારે જયેશને કપાળમાં ધોકો ફટકારવામાં આવ્યો હતો.

જો આપને આ પોસ્ટ ગમી હોય તો શેર કરો...