Author: નોબત સમાચાર
સરમતના યુવાને વીડિયો બનાવી પી લીધી ઝેરી દવાઃ સારવારમાં ખસેડાયો
પોલીસકર્મી સાળા, સસરા તથા સાસુ સામે કર્યાે આક્ષેપઃ
જામનગર તા.૨૯: જામનગરના સરમત ગામના એક યુવાને પોતાના સસરા અને સાળા તેમજ સાસુના કહેવાતા ત્રાસથી કંટાળી ઝેરી દવા પીધી છે. સારવારમાં રહેલા આ યુવાને દવા પીતા પહેલાં વીડિયો બનાવ્યો હતો. જેમાં તેણે પૂર્વ પોલીસકર્મી સસરા, પોલીસ કર્મચારી સાળા અને સાસુ ત્રાસ આપતા હોવાનું જણાવ્યું છે.
જામનગર-ખંભાળિયા ધોરીમાર્ગ પર આવેલા સરમત ગામમાં રહેતા હરેશભાઈ બાબુભાઈ સરવૈયા નામના યુવાને કોઈ ઝેરી દવા પી લેતાં આ યુવાનને સારવાર માટે હોસ્પિટલમાં ખસેડવામાં આવ્યો છે. આ યુવાને દવા પીતા પહેલા એક વીડિયો બનાવી વાયરલ કર્યાે છે.
તે વીડિયોમાં હરેશભાઈએ જણાવ્યું છે કે, તેમના લગ્ન રાજકોટના નીતાબેન દેવરાજભાઈ નાટડા સાથે પાંચ વર્ષ પહેલા થયા હતા. તે પછી ત્રણ વર્ષ સુધી બંને સાથે રહ્યા હતા અને તે પછી વિખવાદ થતાં બે વર્ષથી પત્ની રિસામણે ચાલી ગઈ હતી. રાજકોટના દેવરાજભાઈ હેમરાજભાઈ નાટડાએ પૂર્વ પોલીસકર્મીની પુત્રી અને વર્તમાન પોલીસકર્મી મયુર હેમરાજભાઈ નાટડાની બહેન નીતાએ થોડા સમય પહેલા પોતાનો સામાન પણ પતિના ઘરેથી મેળવ્યો હતો.
પોતાનું લગ્નજીવન શાંતિથી ચાલે તે માટે બે વખત હરેશભાઈએ પ્રયત્ન કર્યા હોવા છતાં બંને વચ્ચે સુલેહ થતી ન હતી અને પત્નીએ પડધરી પોલીસ મથકમાં અરજી પણ કરી હતી. તે પછી પૂર્વ જમાદાર સસરા અને પોલીસકર્મી સાળા તેમજ સાસુ ઈન્દુબેન નાટડાના કહેવાતા ત્રાસથી વાજ આવી ગયેલા હરેશભાઈએ વીડિયો બનાવ્યા પછી ઝેરી દવા ગટગટાવી હતી. આ યુવાનને સારવાર આપવામાં આવી રહી છે. તેણે બનાવેલો વીડિયો સોશિયલ મીડિયામાં વાયરલ થઈ ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
