Author: નોબત સમાચાર
રવિવારી બજારમાં ખરીદી કરવા ગયેલા વૃદ્ધના ખિસ્સામાંથી સેરવાયો મોબાઈલ
ચોકીદારના ખાટલા પરથી મોબાઈલની ઉઠાંતરીઃ
જામનગર તા.૨૯ ઃ જામનગરના રંગમતી-નાગમતી નદીના પટમાં રવિવારે ભરાતી ગુજરી બજારમાં આવેલા એક વૃદ્ધનો મોબાઈલ તેમના શર્ટના ખિસ્સામાંથી સેરવાઈ ગયો હતો. જ્યારે કામદાર કોલોની માં એપાર્ટમેન્ટમાં ચોકીદારી કરતા નેપાળી યુવાનનો મોબાઈલ તેના ખાટલા પરથી કોઈ ચોરી ગયું છે. પોલીસે બંને ફરિયાદ પરથી અજાણ્યા શખ્સો સામે ગુન્હો નોંધી તપાસ શરૃ કરી છે.
જામનગરના રામેશ્વરનગર પાસે આવેલા રાંદલનગરમાં રહેતા દશરથસિંહ નટુભા જાડેજા નામના વૃદ્ધ ગયા રવિવારે રંગમતી-નાગમતી નદીના પટમાં ભરાતી ગુજરી બજારમાં આવ્યા હતા. તેઓ જ્યારે સુભાષબ્રિજ નીચે હતા ત્યારે તેમના શર્ટના ખિસ્સામાં રાખવામાં આવેલો રેડમી કંપનીનો રૃા.૧૩ હજારની કિંમતનો મોબાઈલ કોઈ શખ્સે સેરવી લીધો હતો. તેઓએ સિટી-બી ડિવિઝનમાં ફરિયાદ નોંધાવી છે.
જામનગરના કામદાર કોલોની વિસ્તારમાં આવેલા સુકૃત એપાર્ટમેન્ટમાં ચોકીદારીનું કામ કરતા નેપાળના અછામ જિલ્લાના નવાઘર ગામના વતની ભીમબહાદુર જયભાઈ સીંગ ગયા રવિવારે એપાર્ટમેન્ટ ના પાર્કિંગમાં નિદ્રાધીન થયા ત્યારે તેઓનો ઓપો કંપનીનો પોતાનો મોબાઈલ ખાટલા પર રાખ્યો હતો. રૃા.પ હજારની કિંમતનો આ મોબાઈલ સવાર સુધીમાં કોઈ શખ્સ ઉઠાવી ગયો હતો. ભીમબહાદુરે સિટી-સી ડિવિઝનમાં ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
