Author: નોબત સમાચાર
બગધરાના યુવાન સાથે લગ્નના નામે થયેલી છેતરપિંડીમાં આગોતરા મંજૂર
આરોપી દંપતીએ અદાલતમાં કરી હતી અરજીઃ
જામનગર તા.૨૯ ઃ જામજોધપુરના બગધરા ગામના એક યુવાનને લગ્ન કરાવી આપવાના નામે છેતરી લેવાયો હતો. આ યુવકે નોંધાવેલી ફરિયાદમાં એક દંપતીનું નામ પણ આરોપી તરીકે આપવામાં આવ્યું હતું. આ દંપતીએ આગોતરા જામીન મેળવવા કરેલી અરજી અદાલતે મંજૂર રાખી છે.
જામજોધપુર તાલુકાના બગધરા ગામમાં રહેતા એક યુવાનના લગ્ન કરવાના બાકી હતા. તે યુવાને પોતાના લગ્ન માટે ઈશાક ગુલમામદ ઘોઘા તથા તેના પત્ની અલુબેન ઈશાક ઘોઘાનો સંપર્ક કર્યાે હતો. આ દંપતીએ કન્યા દેખાડવાનું કહી કન્યા ગમી જાય તો રૃા.૩૦ હજાર આપવા પડશે તેમ ઠેરવ્યા પછી એક યુવતી બતાવી હતી. તે યુવતી ગમતા તેની સાથે બગધરાના યુવકે લગ્ન કર્યા હતા.
લગ્ન કરાવતી વખતે ઈશાક ગુલમામદ તથા અલુબેને રૃા.૧ લાખ ૭૦ હજાર મેળવી લીધા હતા. તે પછી પહેલાથી જ પરણેલી રહેલી આ યુવતીના લગ્ન કરાવી અપાયા હતા. લગ્નના થોડા દિવસ પછી આ યુવતીને માવતરે બોલાવી લઈ આ યુવક પાસેથી વધુ રૃા.૩૦ હજાર મેળવવા અથવા છૂટાછેડા આપવાની ધમકી અપાતા મામલો પોલીસ મથકે પહોંચ્યો હતો.
ઉપરોક્ત ફરિયાદ પોલીસે આઈપીસી ૪૦૬, ૪૯૪, ૧૧૪ હેઠળ નોંધી હતી અને આરોપીઓના સગડ દબાવ્યા હતા. તે દરમિયાન આરોપી પૈકીના ઈશાક તથા અલુબેન ઈશાક ઘોઘાએ આગોતરા જામીન મેળવવા માટે જામનગરની અદાલતમાં અરજી કરી હતી. અદાલતે બંને આરોપીના આગોતરા જામીન મંજૂર રાખ્યા છે. આરોપી તરફથી વકીલ અશોક એચ. જોષી, નિખીલ ઉપાધ્યાય, રાજીવ વાઘેલા, વિધિ રાવલ, મોહસીન ખારા, પ્રદીપ મકવાણા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
