Author: નોબત સમાચાર
ઘેરથી નીકળી ગયેલા મહિલાનો પતિ સાથે પુનઃ મિલાપ કરાવતી અભ્યમ ટીમ
પતિએ મારકૂટ કરતા છોડી દીધુ હતું ઘરઃ
જામનગર તા.૨૯: જામનગરના સાતરસ્તા પાસેથી એક મહિલા રઘવાયી હાલતમાં જોવા મળ્યા પછી તેમના સુધી પહોંચેલી ૧૮૧ની ટીમે આ મહિલાને કાઉન્સેલીંગ આપ્યા પછી પૂછપરછ કરતા આ મહિલા પતિ સાથે ઝઘડો થતાં ઘેરથી નીકળી ગયાનું ખૂલ્યું હતું. ભારે મહેનત પછી તેમના પતિને શોધી ૧૮૧ ટીમે બંનેનો પુનઃ મિલાપ કરાવ્યો છે.
જામનગરના મહિલા પોલીસ સ્ટેશનમાં કાર્યરત ૧૮૧ અભયમ્ ટીમ મહિલાઓ માટે ફરી આશીર્વાદરૃપ સાબિત થઈ છે. જામનગરમાં એક નાગરિકે ૧૮૧ની ટીમને ગઈકાલે ફોન કરી જણાવ્યું હતું કે, એક અજાણ્યા મહિલા તેમના વિસ્તારમાં આંટા મારે છે અને નામ-સરનામું જણાવતા નથી. તેમને મદદની જરૃર છે.
આ સંદેશો મળતા અભ્યમ્ ટીમ દોડી ગઈ હતી. કાઉન્સેલર શિતલ સોલંકી, પોલીસકર્મી ઈલાબા ઝાલા અને પાયલોટ મહાવીરસિંહે તે મહિલા પાસે પહોંચી પૂછતા આ મહિલાએ મદદની જરૃર નથી, એકલા બેસવા દો તેમ કહેતા તેણીને આશ્વાસન આપી અભ્યમ ટીમે વિશ્વાસ જીત્યો હતો.
તે પછી આ મહિલાએ જણાવ્યું હતું કે, તેઓ મહારાષ્ટ્ર રાજ્યના વતની છે અને થોડા સમય પહેલા મોબાઈલમાં ગેમ રમતી વખતે ગિર સોમનાથના વેરાવળના યુવક સાથે તેઓને પ્રેમ થઈ ગયો હતો અને તે પછી બંનેએ મંદિરમાં લગ્ન કર્યા હતા. તે પછી આ દંપતી કામ કરવા માટે જામનગર આવ્યું હતું. જ્યાં આ મહિલાએ બે મહિનાની પ્રેગ્નન્સી હોવાથી હોસ્પિટલ જવાનું કહેતા અને પતિએ ના પાડતા બોલાચાલી થઈ હતી અને પતિએ મારકૂટ કરી હતી. તેથી તેણી ઘર છોડીને નીકળી ગઈ છે. જામનગરમાં બે મહિનાથી તેઓ આવ્યા હોય અને સરનામું પણ જાણતા ન હોય ઉપરાંત ફોન નંબર પણ યાદ ન હોય તેમજ મોરકંડામાં અગાઉ રહેતા હોવાનું કહેતા હોય આ મહિલા સાથે અભ્યમ ટીમ મોરકંડા પહોંચી હતી અને ત્યાંથી તેણીના પતિના મોબાઈલ નંબર મળ્યા હતા અને તે યુવકનો સંપર્ક થઈ શક્યો હતો.
આ યુવક સાથે વાત કરાતા તેણે પોતાની પત્ની બે દિવસ પહેલા ઘરેથી ચાલી ગઈ હોય અને પોતે તેને શોધતો હોવાનું કહેતા તેને બોલાવાયો હતો અને તેણે પત્ની પર હાથ ઉઠાવ્યાનો વસવસો જાહેર કર્યા પછી બંનેને સમજાવટ કરાઈ હતી અને તે મહિલાનું તેના પતિ સાથે મિલન કરાવાયુું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
