Author: નોબત સમાચાર
કાલાવડના જામ દાદર પાસે ટ્રક ગોથંુ મારી જતાં ચગદાયેલા ક્લિનરનું મૃત્યુ
રોઝડું આડું ઉતરતા ડ્રાઈવરે ગૂમાવ્યો હતો કાબૂઃ
જામનગર તા.૨૯ ઃ કાલાવડના જામ દાદર ગામ પાસે ગયા સોમવારે સવારે પસાર થતાં એક ટ્રક આડે રોઝડું ઉતરતા તેને બચાવવાના પ્રયાસમાં ડ્રાઈવરે કાબુ ગૂમાવતા ટ્રકે ગોથું માર્યું હતું. આ અકસ્માતમાં કેબીન હેઠળ ચગદાઈ જતાં ક્લિનરનું મૃત્યુ નિપજ્યું છે. ટ્રક ડ્રાઈવર સામે મૃતકના ભાઈએ ફરિયાદ નોંધાવી છે.
કાલાવડ તાલુકાના જામ દાદર ગામના પાટિયા પાસેથી ગયા સોમવારે સવારે પાંચેક વાગ્યે ગિર સોમનાથ જિલ્લાના તાલાળા તાલુકાના ધુસીયા ગામના પ્રકાશભાઈ ગોવિંદભાઈ વાજા નામના ટ્રક ડ્રાઈવર જીજે-૩૨-ટી ૯૪૭૭ નંબરનો ટ્રક લઈને જતા હતા.
તેઓની સાથે ગિર સોમનાથ જિલ્લાના વેરાવળ તાલુકાના મીઠાપુર ગામના દેવાભાઈ સામતભાઈ ચાવડા ક્લિનર તરીકે હતા. આ બંને વ્યક્તિ મહેશભાઈ કાનાભાઈ નાઘેરાના આ ટ્રકમાં સુત્રાપાડા થી સોડાએસ ભરીને જામનગર તરફ જઈ રહ્યા હતા. આ વેળાએ નિલગાય (રોઝડુ) જેવું જનાવર ટ્રક આડે ઉતરતા પ્રકાશભાઈએ તેને બચાવવાનો પ્રયાસ કરતા ટ્રક કાબુ બહાર જઈ રોડ ઉતરી ગયો હતો અને ગોથું મારી ગયો હતો.
આ અકસ્માતમાં ક્લિનર દેવાભાઈ ચાવડા ટ્રકની કેબીન હેઠળ કચડાઈ ગયા હતા. છાતી તથા માથાના ભાગમાં ગંભીર ઈજા પામેલા દેવાભાઈનંુ મૃત્યુ નિપજ્યું છે. મૃતકના ભાઈ રાજાભાઈ ચાવડાએ કાલાવડ ગ્રામ્ય પોલીસ સ્ટેશનમાં ટ્રકના ડ્રાઈવર પ્રકાશભાઈ સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
