ગુજરાત રાજ્ય સફાઈ કામદાર મંડળના મહામંત્રી તરીકે ખંભાળીયાના રમેશભાઈ વાઘેલાની વરણી

Author: નોબત સમાચાર

ગુજરાત રાજ્ય સફાઈ કામદાર મંડળના મહામંત્રી તરીકે ખંભાળીયાના રમેશભાઈ વાઘેલાની વરણી

હોદ્દેદારોનું સન્માન-કેલેન્ડર વિમોચન

ખંભાળિયા તા.૨૪ ઃ ગુજરાત રાજ્ય સફાઈ કામદાર મંડળની વડોદરા વાર્ષિક સભામાં ખંભાળિયાના રમેશ વાઘેલાને રાજ્ય મહામંત્રી બનાવાતા જિલ્લાના સફાઈ કામદારોમાં હર્ષની લાગણી ફેલાઈ છે.

તાજેતરમાં ગુજરાત રાજ્ય સફાઈ કામદાર મંડળની વાર્ષિક મિટીંગ (વડોદરા)માં કસ્તુરભાઈ મકવાણાની અધ્યક્ષતામાં યોજાઈ હતી જેમાં મહામંડળ દ્વારા કલેન્ડર વિમોચન તથા વિતરણ તથા સ્ટેટ કમિટી મેમ્બર તથા જિલ્લા પ્રમુખ, પાલિકા પ્રમુખને સન્માનિત કરાયા હતા.

કાર્યક્રમમાં ગુજરાત સફાઈ કામદાર મંડળના નેતા તથા મહામંત્રી ઠાકોરભાઈ સોલંકીએ તેમની જગ્યાએ કોઈ નવા આગેવાન આવે તેવું સૂચન કરતા સ્ટેટ કમિટી મેમ્બર જગદીશભાઈ સોલંકી, પંકજભાઈ સોલંકી, રાજેશભાઈ જોધાણી દ્વારા સર્વાનુમત્તે ખંભાળિયાના રમેશભાઈ વાઘેલાને રાજ્યના મહામંત્રી નક્કી કરવામાં આવતા રમેશભાઈ વાઘેલાએ દ્વારકા તથા હાલારનું ગૌરવ વર્ધાયું છે. ખંભાળિયા જ નહીં દ્વારકા, જામનગર જિલ્લામાં વર્ષાેથી સફાઈ કામદારોના પ્રશ્નો ઉકેલવામાં જહેમત ઉઠાવનાર રમેશભાઈ વાઘેલાને મહામંડળના રાજ્ય મહામંત્રી બનાવાતા સફાઈ કામદારોમાં આનંદની લાગણી ફેલાઈ છે.

જો આપને આ પોસ્ટ ગમી હોય તો શેર કરો...