Author: નોબત સમાચાર
ખોડિયાર કોલોની પાસે આઈપીએલની મેચ પર સટ્ટો રમતો શખ્સ ઝબ્બેઃ મોબાઈલ જપ્ત
ત્રણ સ્થળેથી વર્લીના આંકડા લખતા શખ્સો પકડાયાઃ
જામનગર તા. ૨: જામનગરના ખોડિયાર કોલોની વિસ્તારમાં ગઈકાલે રાત્રે આઈપીએલની મેચ પર સટ્ટો રમતો શખ્સ ઝડપાયો છે. તેણે જુગાર રમવા આઈડી આપનારનું નામ આપ્યું છે. જામનગર તથા લાલપુર અને જામજોધપુરના જસાપરમાંથી ત્રણ વર્લીબાજ પકડાઈ ગયા છે.
જામનગરના ખોડિયાર કોલોની વિસ્તારમાં એક હોટલ પાસે ગઈરાત્રે મોબાઈલમાં ક્રિકેટનો સટ્ટો રમાતો હોવાની બાતમી મળતા એલસીબી સ્ટાફ દોડી ગયો હતો.
ત્યાંથી રાજેન્દ્રસિંહ અજીતસિંહ ચુડાસમા ઉર્ફે રાજભા નામનો શખ્સ મળી આવ્યો હતો. આ શખ્સ પોતાના મકાનમાં એક આઈડી પરથી ગઈકાલની આઈપીએલની મેચ પર રનફેર સહિતના સોદા કરતો હતો. એલસીબીએ તેનો મોબાઈલ તથા રોકડ મળી રૂ.૮૭૫૦૦નો મુદ્દામાલ કબજે કર્યાે છે. આ શખ્સે આઈડી આપનાર મૂળ રાજકોટના અને હાલમાં દુબઈમાં રહેતા વિરૂભાનું નામ આપ્યું છે.
જામનગરના ખંભાળિયા નાકા પાસે શનિવારે સાંજે વર્લીના આંકડા લખતા રાજુ જેઠાભાઈ પરમારને પોલીસે પકડી લીધો હતો. જ્યારે લાલપુર ગ્રામ પંચાયત કચેરી નજીકથી જયસુખ પાલાભાઈ ખરા નામનો શખ્સ પણ વર્લીનું બેટીંગ લેતો મળી આવ્યો હતો. જામજોધપુરના જસાપર ગામના પાટીયા પાસેથી વિશાલ સોમાભાઈ વાઘેલા નામનો શખ્સ વર્લીનું બેટીંગ લેતો ઝડપાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
