Author: નોબત સમાચાર
જામનગરમાં બે સરકારી પ્રાથમિક શાળાના અંગ્રેજી માધ્યમના અભ્યાસને મંજુરી
નગર પ્રાથમિક શિક્ષણ સમિતિ હસ્તકની
જામનગર તા. રઃ જામનગર મહાનગર પાલિકાની નગર પ્રાથમિક શિક્ષણ સમિતિ હસ્તકની બે શાળામાં અંગ્રેજી માધ્યમમાં અભ્યાસ માટે સરકારે મંજુરી આપી છે. હવે જરૂરી પ્રક્રિયા પૂર્ણ થયા પછી આ શાળામાં પ્રવેશ પ્રક્રિયા હાથ ધરવામાં આવશે.
જામનગરની નગર પ્રાથમિક શિક્ષણ સમિતિ હસ્તકની બે શાળાઓ દેવરાજ દેપાળ શાળા નં. પ૩) અને સોનલનગર વિસ્તારની શાળા નં. ૩૧ માં અંગ્રેજી માધ્યમની શાળા શરૂ કરવા નિર્ણય લેવામાં આવ્યો હતો. આ માટે બન્ને શાળામાં સ્માર્ટ ક્લાસની સુવિધા ઉપલબ્ધ કરવામાં આવી છે.
જેમાં કોમ્પ્યુટર લેબ, અદ્યતન લાયબ્રરી વગેરેનો સમાવેશ કરવામાં આવ્યો છે. ઉપરાંત વિદ્યાર્થીઓને બેસવા માટેની સુવિધાયુક્ત બેન્ચ, ઈન્ટરનેટ સુવિધા સાથેના ૬ ફૂટ બાય ચાર ફૂટના બોર્ડ, મીની થિયેટરા જેવો પ્રોજેક્ટ રૂમ, આધુનિક ફાયર સુવિધા, ટોયલેટ બ્લોક વગેરેની સુવિધાનો સમાવેશ થાય છે.
આ માટે સ્થાનિક કક્ષાએથી સરકાર સમક્ષ મંજુરી માંગવામાં આવી હતી, જેમાં ગત્ તા. ૩૧ ના સરકાર તરફથી મંજુરી આપી દેવામાં આવી છે. આ માટે ખાનગી સંસ્થાનો સંચાલન માટે સહયોગ લેવામાં આવશે, અને નવા શૈક્ષણિક વર્ષથી એડમિશન પ્રક્રિયા શરૂ થશે.
નાયબ શિક્ષણ નિયામક-ગાંધીનગર દ્વારા શાસનાધિકારી-જામનગરને પત્ર પાઠવી જણાવાયું છે કે, જ્યાં સુધી સરકાર દ્વારા કાયમી શિક્ષકોની નિમણૂક અથવા જ્ઞાન સહાયકની ફાળવણી નહીં થાય ત્યાં સુધી અંગ્રેજી માધ્યમની શાળા માટે શિક્ષકોની વ્યવસ્થા કરવી તથા તેનો પગાર ખર્ચ ભોગવશે. કાયમી શિક્ષકોના પગાર અને નિવૃત્ત વિષયક લાભોનો ર૦ ટકા હિસ્સો મ્યુનિ. કોર્પોરેશન દ્વારા ભોગવાશે. આ બન્ને શરતે શાળા શરૂ કરવાની મંજુરી આપવામાં આવી છે. હવે બાલવાટિકા અને ધો. ૧ તથા બે માં ચાલુ માસમાં જ પ્રવેશ પ્રકિયા શરૂ થઈ જશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
