Author: નોબત સમાચાર
બેટ દ્વારકામાં આવેલી સિંધુ ભુવન ધર્મશાળા પર કબજો જમાવનાર પિતા-પુત્ર સામે ગુન્હા
લેન્ડ ગ્રેબિંગ એક્ટ હેઠળ રાવ કરાતા ચકચારઃ
જામનગર તા. ૨: બેટ દ્વારકામાં આવેલી સિંધુ ભુવન ધર્મશાળા નામની ટ્રસ્ટની જગ્યા પર આરંભડા ગામના પિતા-પુત્રએ છેલ્લા ૩૧ વર્ષથી કબજો જમાવી લીધાની બેટ દ્વારકા દેવસ્થાન સમિતિના વ્યવસ્થાપકે ફરિયાદ નોંધાવી છે. પોલીસે રૂ.૫૦ લાખની જગ્યા પર કબજો જમાવનાર પિતા-પુત્ર સામે લેન્ડ ગ્રેબિંગ એક્ટ હેઠળ ગુન્હો નોંધ્યો છે.
દેવભૂમિ દ્વારકા જિલ્લાના બેટ દ્વારકામાં સિટી સર્વે નં.૧૨૧૧ તથા ૧૨૧૦માં આવેલી સિંધુ ભુવન ધર્મશાળા નામની મિલકત કે જેની બજારમાં હાલમાં રૂ.૫૦ લાખ કિંમત ગણવામાં આવે છે તે મિલકત પર ૩૧ વર્ષથી ચંદ્રકાંત ગોપાલદાસ ભાયાણી અને રામકૃષ્ણ ચંદ્રકાંત ભાયાણી નામના આરંભડા ગામના પિતા-પુત્રએ કબજો જમાવી લીધાની બેટ દ્વારકા પોલીસ મથકમાં દિનેશભાઈ ચુનીલાલ બદિયાણીએ ફરિયાદ નોંધાવી છે.
બેટ દ્વારકાની બેટ દેવસ્થાન સમિતિના ઈન્ચાર્જ વ્યવસ્થાપક દિનેશભાઈએ કરેલી આ ફરિયાદમાં જણાવવામાં આવ્યા મુજબ બેટ શંખોદ્વારની માલિકીની આ મિલકત સિંધુ ભુવન ધર્મશાળા તરીકે ઓળખવામાં આવે છે. તે મિલકત છેલ્લા ૩૧ વર્ષથી આરંભડાના ચંદ્રકાંત ભાયાણી તથા રામકૃષ્ણ ચંદ્રકાંતે પચાવી પાડી છે. પોલીસે લેન્ડ ગ્રેબિંગ એક્ટ હેઠળ ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
