Author: નોબત સમાચાર
મોબાઈલના હપ્તા ભરવાના મુદ્દે યુવાનને માર મારી ઘરમાં તોડફોડ કરાયાની ફરિયાદ
અગાઉનો ખાર રાખી યુવકને કપાળમાં પથ્થર ઝીંકાયોઃ
જામનગર તા. ૨: જામનગરના ધરારનગર-૨ વિસ્તારમાં શુક્રવારે રાત્રે એક યુવાન પર અગાઉની બાબતનો ખાર રાખી બે શખ્સે હુમલો કરી માર માર્યાે હતો. જ્યારે મોબાઈલના હપ્તા ભરવાના પ્રશ્ને મયુરનગરમાં એક યુવાનને ગાળો ભાંડવા ઉપરાંત ઘરે અજાણ્યા શખ્સોને મોકલી એક શખ્સ દ્વારા તોડફોડ કરાવાઈ હતી.
જામનગરના ધરારનગર-૨ વિસ્તારમાં વસવાટ કરતા એજાઝખાન ઈશાખાન પઠાણ નામના યુવાન, તેના ભાઈ અયાઝખાન અને મિત્ર રવિરાજસિંહ જાડેજા ઘર પાસે શુક્રવારે રાત્રે ઊભા હતા. ત્યારે ત્યાં ધસી આવેલા મોયુદ્દીન ઈકબાલ શેખ અને મોહમ્મદ ઈકબાલ શેખ નામના શખ્સોએ અગાઉની બાબતનો ખાર રાખી ઝઘડો કર્યા પછી પથ્થર ઉપાડી એજાઝખાનને ઝીંક્યો હતો. જતા જતા આ શખ્સો તને ત્યાં રહેવા નથી દેવો તેવી ધમકી આપતા ગયા હતા.
અગાઉ મોયુદ્દીન તથા મોહમ્મદ ઈકબાલ નામના શખ્સો આ વિસ્તારમાંથી પેટ્રોલ ચોરી કરવાનો પ્રયાસ કરતા હતા તેની જાણ થઈ જતા એજાઝખાને પોલીસને બોલાવી હતી. આ બાબતથી ઉપરોક્ત બંને આરોપીઓ ઉશ્કેરાયેલા હતા.
જામનગરના ગોકુલનગર નજીક આવેલા મયુરનગરમાં રહેતા બિપીનભાઈ ચંદુભાઈ લીંબડ નામના યુવાનના પુત્રએ હપ્તેથી મોબાઈલ ખરીદ્યો હતો તેના હપ્તા બિપીનભાઈ ભરતા હતા. હપ્તા ભરવા બાબતે તેઓને સુભાષપરામાં રહેતા વિજય કેશુભાઈ વરાણીયા સાથે બોલાચાલી થયા પછી ફોન પર વોટ્સએપમાં કોલ કરી વિજયે તેઓને ગાળો ભાંડી જાનથી મારી નાખવાની ધમકી આપી હતી અને અજાણ્યા શખ્સોને બિપીનભાઈના ઘરે મોકલી તોડફોડ કરાવી હતી. સિટી સી ડિવિઝનમાં બિપીનભાઈએ ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
