Author: નોબત સમાચાર
ધોરીમાર્ગ પર નગરના વૃદ્ધને મોટરે ઠોકર મારીઃ બાઈકચાલકે યુવાનને ફંગોળી દીધો
નાના લખીયા પાસે અકસ્માતમાં મામા-ભાણેજને ઈજાઃ
જામનગર તા. ૨: જામનગર-રાજકોટ રોડ પર વિશ્રામ હોટલ નજીક રોડ ક્રોસ કરતા એક વૃદ્ધને મોટરે ઠોકર મારી પછાડ્યા હતા. અંબર ચોકડી પાસે એક યુવાનને બાઈકે ટક્કર મારી હતી. બે સપ્તાહ પૂર્વે નાના લખીયા ગામના દરવાજા પાસે બાઈકને મોટરે હડફેટે લેતાં મામા-ભાણેજને ઈજા થઈ છે.
જામનગરના મુલ્લામેડી વિસ્તારમાં બાવા ફળીમાં રહેતા દાઉદભાઈ અત્તરવાલા નામના વૃદ્ધ ગુરૂવારે સાંજે જામનગર-રાજકોટ ધોરીમાર્ગ પર વિશ્રામ હોટલ પાસે રોડ ક્રોસ કરતા હતા ત્યારે તેઓને જીજે-૩-એલજી ૭૩૧૨ નંબરની બલેનો મોટરે ઠોકર મારી પછાડી દીધા હતા. ફ્રેક્ચર સહિતની ઈજા પામેલા વૃદ્ધને સારવારમાં ખસેડાયા છે. તેમના પુત્ર હુસેનભાઈએ પંચકોશી એ ડિવિઝનમાં મોટરચાલક સામે ફરિયાદ કરી છે.
જામનગરના જૂના રેલવે સ્ટેશન નજીક ભીમવાસની શેરી નં.રમાં રહેતા અકરમ હુસેન સમા નામના યુવાનને ગયા મંગળવારે બપોરે અંબર ચોકડી પાસે જીજે-૧૨-સીબી ૧૭૨ નંબરના બાઈકે ઠોકર મારી પછાડ્યો હતો. તેણે પોલીસમાં ફરિયાદ કરી છે.
લાલપુર તાલુકાના નાના લખીયા ગામના જયેન્દ્રસિંહ ગંભીરસિંહ જાડેજા ગઈ તા.૧૪ની સવારે ભાણેજ શિવરાજસિંહ સાથે જીજે-૧૦-ઈએ ૬૫૦૧ નંબરના બાઈકમાં નાના લખીયા ગામ પાસેથી જતા હતા ત્યારે જીજે-૧૦-ઈસી ૨૧૭૪ નંબરની મોટરે ઠોકર મારતા મામા-ભાણેજને ઈજા થઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
