Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ચલણી નોટના નંબર પર જુગાર રમતા શખ્સો પકડાયાઃ
જામનગર તા. ૧: જામનગર શહેર તેમજ દરેડ અને લાલપુરમાં પોલીસે શનિ તથા રવિવારના દિવસોમાં દરોડા પાડી કેટલાક શખ્સોને વર્લીના આંકડા લખતા અને કેટલાક શખ્સોને ચલણી નોટના નંબર પર એકીબેકી બોલી જુગાર રમતા પકડી પાડ્યા છે.
લાલપુર શહેરમાં નાંદુરી ચોકડી પાસેથી શનિવારે સાંજે જાહેરમાં ઊભા રહી વરલીના આંકડા લખતા સાજણ રાણાભાઇ મારીયા નામના શખ્સને લાલપુર પોલીસે પકડી પાડી વરલીના આંકડા લખેલી ચીઠી તથા બોલપેન અને રોકડ રકમ કબ્જે કર્યા છે. જ્યારે જામનગર નજીકના દરેડ ગામમાં આલ્ફા સ્કૂલ પાસેથી શનિવારે સાંજે દિનેશ જેઠાભાઈ ગોહિલ નામનો શખ્સ પણ વરલીના આંકડા લખતો મળી આવ્યો છે.
દરેડમાં બસ સ્ટેન્ડ પાસે જાહેરમાં ઊભા રહી ચલણી નોટના નંબર પર એકીબેકી બોલી જુગાર રમતા અનિરૂદ્ધસિંહ ખોડુભા જાડેજા, મહેશ ભુપતભાઈ ખરા નામના બે શખ્સને પોલીસે પકડી પાડ્યા છે.
જામનગર નજીકના હાપામાં રેલવે સ્ટેશન પાસે આવેલા ચાંદની ચોક પાસેથી શનિવારે સાંજે પ્રવીણભાઈ વલ્લભભાઈ સીપરીયા નામનો શખ્સ વરલીનું બેટિંગ લેતો મળી આવ્યો છે. જામનગરના રણજીતસાગર રોડ પર સાધના કોલોનીના પહેલા ગેઈટ પાસેથી શનિવારે સાંજે ચલણી નોટના નંબર પર જુગાર રમતા અનિલ સોમાભાઈ ચાવડા, અલ્તાફ મોહમ્મદભાઈ બ્લોચ અને સુભાષ શાક માર્કેટ પાસેથી શનિવારે સાંજે રાહુલ અશોકભાઈ મહેતા અને દિનેશ મગનલાલ ચંદ્રપાલ નામના બે શખ્સ એકીબેકી બોલી જુગાર રમતા ઝડપાઈ ગયા હતા.
જામનગર નજીકના દરેડમાંથી ગઈકાલે સાંજે નોટના નંબર પર જુગાર રમતા ખીમસુર કમાભાઈ ઘોડા તથા હેમસુર ખોડાભાઈ ગુજરીયા નામના બે શખ્સને પકડી લેવામાં આવ્યા છે. જ્યારે હર્ષદ મીલની ચાલી પાસેથી અલ્તાફ કાસમ ખુરેશી, દેવાભાઈ ભગવાનજી છારીયા પણ એકીબેકી બોલી જુગાર રમતા ઝડપાયા છે. શાક માર્કેટ પાસેથી તબરેજહુસેન નુરમામદ સીપાઈ અને રમેશ નાથાભાઈ ચૌહાણ નામના બે શખ્સ પણ એકીબેકી બોલતા મળી આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial