જામનગર જિલ્લામાં જાહેર જગ્યાઓ પર સીસી ટીવી કેમેરા લગાવવા અંગે જાહેરનામું

Author: નોબત સમાચાર

જામનગર જિલ્લામાં જાહેર જગ્યાઓ પર સીસી ટીવી કેમેરા લગાવવા અંગે જાહેરનામું

શહેરમાં શાંતિ અને જાહેર વ્યવસ્થા-પરિસ્થિતિ જાળવવા

જામનગર તા. ૧૮ઃ જામનગર જિલ્લામાં ગુપ્તચર સંસ્થાઓના વખતો વખતના મળતા અહેવાલો અનુસાર રાષ્ટ્ર વિરોધી પ્રવૃત્તિ કરતા શખ્સો રાજ્ય બહારથી આવતા હોય છે. જેઓ વાહનોનો ઉપયોગ કરતા હોય છે, તેમજ હાઈ-વે પરની હોટેલોમાં રોકાણ કરે છે. આવા ઈસમો તેમજ લૂંટારાઓ, ધાડપાડુઓની ગુનાહિત પ્રવૃત્તિઓને કારણે નાગરિકોના જીવ જોખમાય છે. આવા પ્રકારના ગંભીર ગુનાઓ આચરતા લોકોને ગુનો કર્યા પછી જે તે સ્થળથી પ૦-૬૦ કિ.મી. દૂર જઈને પકડવા માટે તંત્ર માટે મુશ્કેલ બને છે.

તેથી, આવા ગુનેગારોની ઓળખ થઈ શકે તે માટે પેટ્રોલ પંપ, હોટેલો, ટોલ પ્લાઝા જેવી જાહેર જગ્યાઓ પર નાઈટ વિઝન અને હાઈ ડેફીનેશનવાળા સીસી ટીવી કેમેરા મૂકવામાં આવે તે જરૃરી જણાય છે. તેમજ કોલેજોની આસપાસ છેડતી, મારામારી, ચોરી ેવા બનાવો નિવારી શકાય તે માટે પણ સી.સી. ટી.વી. કેમેરા મૂકવા આવશ્યક જણાય છે. શહેરમાં શાંતિ અને જાહેર વ્યવસ્થાની પરિસ્થિતિ જળવાય રહે અને ઉપરોક્ત સ્થળોએ બનતા ગુનાઓ નિવારી શકાય તે હેતુથી અધિક જિલ્લા મેજિસ્ટ્રેટ બી.એન. ખેર, જામનગર દ્વારા જિલ્લામાં જાહેર જગ્યાઓ પર સી.સી. ટી.વી. કેમેરા લગાવવા અંગેનું જાહેરનામું પ્રસિદ્ધ કરવામાં આવ્યું છે.

ઉક્ત પ્રતિબંધાત્મક જાહેરનામામાં જણાવ્યા અનુસાર જામનગર શહેર અને જિલ્લાના તમામ રાજ્ય ધોરીમાર્ગ પર આવેલા પેટ્રોલ પંપ, ટોલ પ્લાઝા, તમામ બેંકો, એ.ટી.એમ. સેન્ટરો, માન્યતા ધરાવતા ખાનગી ફાયનાન્સરો, શરીફ, સોના-ચાંદી અને કિંમતી ઝવેરાતના શ-રૃમ, લાયસન્સવાલ નિવાસી હોટેલો, ગેસ્ટ હાઉસ, મોટા રેસ્ટોરન્ટ, શોપીંગ મોલ, મલ્ટીપ્લેક્ષ થિયેટર, જિનિંગ મીલ, ગ્રાન્ટેડ અને નોન ગ્રાન્ટેડ કોલેજો, કોમર્શિયલ કોમ્પલેક્ષ તથા શોપીંગ મોલના અંદર ગ્રાઉન્ડ પાર્કિંગ જેવા તમામ સ્થળોએ નાઈટ વિઝન અને હાઈ ડેફીનેશનવાળા રેકોર્ડીંગ સિસ્ટમ સહિતના સી.સી. ટી.વી. કેમેરાઓ મૂકવા માટે હુકમ કરવામાં આવ્યો છે.

આ ઉપરાંત ઉક્ત જણાવેલા તમામ એકમોએ અગાઉ જો આવા કેમેરા લગવ્યા હોય તો તે અત્યારે ચાલુ હાલતમાં રહે તે જોવાનું રહેશે. નવા શરૃ થતા એકમોએ આ વ્યવસ્થા કર્યા પછી જ તેમનો ધંધો-વ્યવસાય શરૃ કરવાનો રહેશે. આવા તમામ સ્થળોએ જ્યાં લોકો-વાહનોનો પ્રવેશ હોય તો ત્યાં તેમજ અંદરના ભાગે તમામ જગ્યાઓ આવરે લે તેટલી સંખ્યામાં સારી ગુણવત્તાવાળા, વધુ રેન્જ ધરાવતા હોય, માણસોના ચહેરા સ્પષ્ટ રીતે ઓળખી શકાય તેમજ વાહનોના નંબર સ્પષ્ટ રીતે વાચી શકાય તે પ્રકારના સી.સી. ટી.વી. કેમેરા ગોઠવવાના રહેશે.

જે ગ્રાન્ટેડ કોલેજોએ હાયર ઓથોરિટીની મંજુરી મેળવવાની થતી હોય, તો તે કોલેજોએ મંજુરી મેળવવાની કામગીરી એક માસમાં પૂર્ણ કરવાની રહેશે. તેમજ મંજુરી મેળવવા માટે કરેલા કાર્યવાહીની લેખિત જાણ પોલીસ અધિક્ષકને કરવાની રહેશે. આ ઉપરાંત સી.સી. ટી.વી. કેમેરાના રેકોર્ડી/ગ સતત ર૪ કલાક ચાલુ રાખવાના રહેશે, અને તેનો ડેટા ઓછામાં ઓછા ૩૦ દિવસ સુધી જાળવવાનો રહેશે.

તેમજ આ સી.સી. ટી.વી. કેમેરાના રેકોર્ડી/ગ પોલીસ સબ ઈન્સ્પેક્ટર કે તેથી ઉપરના દરજ્જાના તમામ પોલીસ તપાસનીશ પોલીસ અધિકારીને માંગણી થાયે જોવા દેવાના રહેશે, અને ગુન્હાની તપાસના કામ સમયે તેવા તમામ રેકોર્ડિંગ આપી દેવાના રહેશે. આ જાહેરનામું તા. ૮-૧-ર૦ર૪ સુધી અમલમાં રહેશે. આ જાહેરનામાના હુકમનું ઉલ્લંઘન કરનારી વ્યક્તિ ભારતીય ફોજદારી અધિનિયમ ૧૮૬૦ ની ૪પ મા અધિનિયમની કલમ ૧૮૮ મુજબ સજાને પાત્ર થશે.

જો આપને આ પોસ્ટ ગમી હોય તો શેર કરો...