Author: નોબત સમાચાર
નાની ખાવડી ગામમાં કૂવામાં કોઈ રીતે પડી ગયેલા યુવાનનું નિપજ્યું મૃત્યુ
ફાયરબ્રિગેડની ટીમે મૃતદેહને બહાર કાઢ્યોઃ
જામનગર તા. ૧૮ઃ જામનગર તાલુકાના સિક્કા નજીકના નાની ખાવડી ગામમાં આવેલા એક કૂવામાં આજે બપોરે બાવીસ વર્ષનો એક યુવાન કોઈ રીતે પડી ગયા પછી દોડી ગયેલી ફાયરબ્રિગેડની ટીમે તે યુવાનને બહાર કાઢવાના પ્રયત્નો આદર્યા હતા. આ યુવાનનું વધુ પડતું પાણી પી જવાથી મૃત્યુ નિપજ્યું છે.
જામનગર-ખંભાળિયા માર્ગ પર આવેલા સિક્કા પાટિયા નજીકના નાની ખાવડી ગામમાં એક યુવાન કોઈ રીતે કૂવામાં પડી ગયો હોવાની વિગતો આજે બપોરે જામનગર મહા નગરપાલિકાના ફાયરબ્રિગેડને મળતા ફાયરબ્રિગેડના જવાનો દોડી ગયા હતા.
ત્યાં આવેલા કૂવામાં ફાયરના જવાનોએ સીડી મુકવા તેમજ દોરડું ઉતારવા સહિતના પ્રયાસો શરૃ કરી આ યુવાનને સહીસલામત બહાર કાઢી લેવાના પ્રયત્નો આદર્યા હતા પરંતુ તેમાંથી નાની ખાવડી ગામના કિશનભાઈ ડાયાભાઈ સીરા (ઉ.વ.રર) નામના યુવાનનો મૃતદેહ જ બહાર નીકળવા પામ્યો હતો.
મૃતદેહને બહાર કાઢી ફાયરની ટીમે પોલીસને સોંપી આપ્યો છે. આ યુવાનના પરિવારજનનું નિવેદન નોંધવા સહિતની કાર્યવાહી પોલીસ દ્વારા કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
