Author: નોબત સમાચાર
સાયબર ફ્રોડ માટે બેંક ખાતા ભાડે આપનારની સંખ્યા જામનગર તથા જૂનાગઢમાં અધધધ
સમગ્ર સૌરાષ્ટ્રમાં નોંધાયા છે ૨૦૫૭ ગુન્હાઃ
જામનગર તા. ૨૯: ગુજરાત પોલીસ દ્વારા સમગ્ર રાજ્યનાં ઓપરેશન મ્યુલ હંટ શરૂ કરવામાં આવ્યું છે. જેમાં સૌરાષ્ટ્રના ૧૧ જિલ્લામાં ૨૦૫૭ બેંક ખાતા ભાડે દેવાયાનું ખૂલ્યું છે. તેમાં જામનગરમાં ૩૬૩ બેંક ખાતામાં સાયબર ફ્રોડની રકમ જમા થયાનું ખૂલ્યું છે. જામનગર અને જૂનાગઢમાં સૌથી વધુ બેંક ખાતા ભાડે દેવાયાનો ઘટસ્ફોટ થયો છે.
સાયબર ફ્રોડના વધતા જતા ઘાતકપણા વચ્ચે પોલીસે મ્યુલ એકાઉન્ટ એટલે કે ભાડે લઈને સાયબર ફ્રોડના નાણા જમા કરાવવા માટે રાખવામાં આવેલા બેંક ખાતા અંગે પોલીસે ગુન્હા નોંધવાનું શરૂ કર્યા પછી સમગ્ર સૌરાષ્ટ્રમાં ૨૦૫૭ બેંક એકાઉન્ટ ભાડે મેળવી તેમાં કરોડો રૂપિયાનું ટ્રાન્ઝેક્શન કરી લેવાયાનું શોધી કાઢ્યું છે. જેમાં સમગ્ર સૌરાષ્ટ્રમાં જામનગર ત્રીજા ક્રમે છે.
પોતાનું બેંક એકાઉન્ટ ભાડે આપી તેની સામે આ ખાતામાં જમા થયેલી રકમમાંથી અમૂક ટકા રકમ મેળવવાની લાલચ કેળવી ગુન્હામાં ફસાઈ જતા લોકોની સંખ્યા વધી રહી છે. જેમાં જામનગરના ૩૬૩ બેંક ખાતાની વિગતો પોલીસ સમક્ષ ઉપસી આવી છે. આ માટે બાવીસ એફઆઈઆર નોંધવામાં આવી છે અને ૭૯ વ્યક્તિઓને તે અંગેની નોટીસ પાઠવાઈ છે. જ્યારે ૮૭ ખાતાધારકો મળવા પામ્યા નથી.
ગુજરાત પોલીસ દ્વારા સમગ્ર રાજ્યમાં શરૂ કરાયેલા ઓપરેશન મ્યુલ હંટમાં સૌરાષ્ટ્રમાં સમાવિષ્ટ ૧૧ જિલ્લામાં ૨૦૫૭ મ્યુલ એકાઉન્ટ પકડી પાડવામાં આવ્યા છે અને તેમાંય ખાસ કરીને જામનગર અને જૂનાગઢમાં વધુ કારસ્તાનો થયાનું બહાર આવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
