Author: નોબત સમાચાર
જામનગરમાં સમસ્ત કોળી સમાજ તથા કોળી સેના દ્વારા યોજાયો વિદ્યાર્થી સન્માન સમારોહ
સંસદસભ્ય પૂનમબેન માડમનું બહુમાન કરાયું તથા 'ભાઈ' ઓનલાઈન એજ્યુકેશન એપનું રી-લોન્ચીંગ
જામનગર તા. ૧૪ : જામનગરમાં સમસ્ત કોળી સમાજ તથા કોળી સેના દ્વારા નવાગામ ઘેડમાં કોળી સમાજની વાડીમાં કોળી સમાજના તેજસ્વી વિદ્યાર્થીઓનો સન્માન સમારોહ યોજાયો હતો.
આ કાર્યક્રમમાં મોટીવેશન સ્પીકર અશોકભાઈ ગુજ્જરે વિદ્યાર્થીઓને કારકિર્દી ઘડતર અંગે માર્ગદર્શન આપ્યું હતું.
આ કાર્યક્રમમાં ગુજરાત કોળી સેના સ્થાપક અને ગુજરાત રાજ્યના મંત્રી પુરૂષોત્તમભાઈ સોલંકી પ્રેરિત 'ભાઈ' ઓનલાઈન એજ્યુકેશન એપનું રિ-લોન્ચિંગ કોળી સેના ગુજરાત યુવા પ્રમુખ દિવ્યેશભાઈ સોલંકીના હસ્તે કરવામાં આવ્યું હતું.
આ સમારોહમાં સોમનાથના ધારાસભ્ય વિમલભાઈ ચુડાસમા ખાસ ઉપસ્થિત રહ્યા હતાં. જામનગર-દેવભૂમિ દ્વારકા (હાલાર)ના સાંસદ પૂનમબેન માડમ સતત ત્રીજી વખત ઐતિહાસિક લીડથી વિજયી થતાં સમાજ દ્વારા સાંસદનું સન્માન કરવામાં આવ્યું હતું.
આ સમારોહમાં ધો. ૧૦ અને ૧ર માં પ્રથમ ક્રમે રહેલા સમાજના તેજસ્વી તારલાઓનું ઉપસ્થિત મહાનુભાવોના હસ્તે સન્માન કરવામાં આવ્યું હતું. જેમાં ધો. ૧૦ માં પ્રથમ ક્રમે રાઠોડ ક્રિષા દિનેશભાઈ, ધો. ૧ર સાયન્સ વિભાગમાં પ્રથમ ક્રમે રોરીયા મહેક દિનેશભાઈ, ધો. ૧ર કોમર્સ વિભાગમાં પાટડિયા ધારા વિનુભાઈ, ધો. ૧ર આર્ટસ વિભાગમાં પ્રથમ ક્રમે સરવૈયા ગાયત્રી મનસુખભાઈ તેમજ દરેક વિભાગમાં અને ત્રીજા ક્રમે આવેલ વિદ્યાર્થીઓને એવોર્ડ દ્વારા સન્માનિત કરાયા હતાં. તદ્દઉપરાંત કોલેજના તેજસ્વી વિદ્યાર્થી ભાઈઓ બહેનોનું પણ સન્માન કરવામાં આવ્યું હતું.
આ સમારોહમાં દિવ્યેશભાઈ સોલંકી, ધારાસભ્ય વિમલભાઈ ચુડાસમા તથા સંસદ સભ્ય પૂનમબેન માડમે પ્રાસંગિક ઉદ્દબોધન કર્યું હતું. શહેરમાં ઈન્દ્રપ્રસ્થ કોમ્પ્લેક્ષમાં કોળી સેના, જામનગર જિલ્લાના મુખ્ય કાર્યાલયનું વર્ચ્યુઅલ ઉદ્દઘાટન મહાુનભાવોના હસ્તે કરવામાં આવ્યું હતું.
આ કાર્યક્રમમાં અતિથિ તરીકે ધારાસભ્ય દિવ્યેશભાઈ અકબરી, ડે. મેયર ક્રિષ્નાબેન સોઢા, સમિતિના ચેરમેન નિલેષભાઈ કગથરા, જડીબેન સરવૈયા (કોર્પોરેટર) આશિષભાઈ જોશી (શાસક પક્ષ નેતા), બી.એ. ડાકી પ્રમુખ કોળી સમાજ કર્મચારી મંડળી તેમજ કોળી સમાજના જુદા જુદા ગામના સરપંચો, સમાજશ્રેષ્ઠીઓ અને સમાજના ડોકટરો, ઈન્જિનિયરો, વિવિધ કચેરીમાં ફરજ બજાવતા કર્મચારીઓ ઉપરાંત સમાજ સેવકો, વિદ્યાર્થીઓ અને વાલીઓ, સમાજના લોકો મોટી સંખ્યામાં ઉપસ્થિત રહ્યા હતાં. સમગ્ર કાર્યક્રમનું આયોજન જીતેશભાઈ શિંગાળા તથા કોળી સેનાની સમગ્ર ટીમે કર્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
