Author: નોબત સમાચાર
ચેલા પાસેથી મોટરમાં લઈ જવાતો દારૃનો જથ્થો ઝબ્બેઃ બોતેર બોટલ સાથે બે પકડાયા
દેશી દારૃના જથ્થા સાથે બેની કરાઈ ધરપકડઃ
જામનગર તા.૫ ઃ જામનગરના ચેલા ગામના પાટિયા પાસેથી પસાર થતી એક મોટરમાંથી પોલીસે અંગ્રેજી શરાબની બૌતેર બોટલ કબજે કરી છે. તે જથ્થા સાથે બે શખ્સની ધરપકડ કરાઈ છે. એલસીબીએ અંધાશ્રમ પાસે બોમ્બે દવાબજાર કોલોનીમાંથી એંસી લીટર દેશી દારૃ પકડી પાડ્યો છે, જ્યારે દરેડ પાસેથી એક શખ્સ ચાર લીટર દેશી દારૃ સાથે ઝડપાયો છે.
જામનગર-લાલપુર ધોરી માર્ગ પર ગઈકાલે સવારે પંચકોશી-બી ડિવિઝનના સ્ટાફ દ્વારા કરવામાં આવી રહેલા પેટ્રોલિંગમાં સ્ટાફના ધર્મેન્દ્રસિંહ તથા મહાવીરસિંહ, ભયપાલ સિંહને બાતમી મળી હતી ક, ચેલા ગામના પાટિયા પાસેથી પસાર થતી એક મોટરમાં અંગ્રેજી શરાબનો જથ્થો લઈ જવામાં આવી રહ્યો છે.
તે બાતમીથી પીએસઆઈ એમ.એ. મોરીને વાકેફ કરાયા પછી સ્ટાફે વોચ ગોઠવી હતી. જેમાં જીજે-૧૦-એપી ૯૦૯૭ નંબરની સ્વીફ્ટ મોટર મળી આવતા તેને રોકાવી તલાશી લેવાતા તેમાંથી અંગ્રેજી શરાબની ૭૨ બોટલ મળી આવી હતી. તે જથ્થા સાથે જામનગરના લક્ષ્મણ દેવાભાઈ પીંડારીયા, મનસુખ ઉકાભાઈ સીંગલ નામના બે શખ્સની ધરપકડ કરાઈ છે. પોલીસે દારૃ, બે મોબાઈલ તથા મોટર મળી કુલ રૃા.૨ લાખ ૪૬ હજારનો મુદ્દામાલ કબજે કર્યાે છે.
જામનગરના અંધાશ્રમ વિસ્તારમાં આવેલા બોમ્બે દવા બજારના બુદ્ધવિહાર ચોકમાં આવેલા નિતેશ મુકેશભાઈ ચૌહાણના મકાનમાં ગઈકાલે એલસીબીએ દરોડો પાડતા ત્યાંથી એંસી લીટર દેશી દારૃ મળી આવ્યો હતો.
જામનગરના દરેડ ગામથી ચેલા ગામ તરફના રસ્તા પરથી ગઈરાત્રે જઈ રહેલા નયન સુરેશભાઈ ચૌહાણ નામના શખ્સને પોલીસે ચાર લીટર દેશી દારૃ સાથે ઝડપી લીધો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
