Author: નોબત સમાચાર
બાઈક જોઈને ચલાવવાની બાબતે મામલો વધી પડતાં પ્રૌઢને મહિલાઓએ લમધાર્યા
કોઈએ બનાવનો વીડિયો ઉતારી કર્યાે વાયરલઃ
જામનગર તા.૫ઃ જામનગરના બેડીનાકા પાસે ગુરૃવારે સાંજે જોણું સર્જાયંુ હતું. બાઈક પર બેડીનાકા તરફ જતાં એક પ્રૌઢ સાથે જોઈને વાહન ચલાવવાની બાબતે સામેથી સ્કૂટર પર આવતી બે મહિલાએ કહ્યા પછી મામલો વધી પડ્યો હતો. બાઈક ચાલક પ્રૌઢને બંને મહિલાએ સરાજાહેર લમધારી નાખ્યા હતા. કોઈએ આ બનાવનો વીડિયો ઉતારી સોશિયલ મીડિયા પર વાયરલ કરી દીધો હતો.
જામનગરના ૫ંચેશ્વર ટાવર રોડ પર ગુરૃવારે સાંજે સર્જાયેલી એક બબાલે લોકોમાં કુતૂહલ સાથે રમૂજ પ્રસરાવી હતી. તેની વધુ વિગત મુજબ ગઈકાલે સાંજે સાડા પાંચેક વાગ્યે એક સ્કૂટર પર બે મહિલા બેડી નાકાથી પંચેશ્વર ટાવર તરફ જતા હતા.
તેઓ જ્યારે ઈન્દ્રપ્રસ્થ બિલ્ડીંગની સામેના ભાગે પહોંચ્યા ત્યારે પંચેશ્વર ટાવરથી બેડીનાકા તરફ બાઈક પર જઈ રહેલા એક આધેડ આગળ જતાં વાહનને ઓવરટેક કરવા જતાં સામેથી આવતા બે મહિલાના સ્કૂટરની બરાબર સામે આવી જતાં મહિલાઓએ સામે જોઈને વાહન ચલાવવાનું ચાલુ વાહને જ કહ્યું હતું.
તે પછી મહિલાઓના ઠપકાથી આઘાત પામેલા બાઈકચાલક પ્રૌઢ તે બાબતે વાત કરવા માટે બાઈક પાછુ વાળતા હતા ત્યારે તેને પાછા વળતા જોઈ સ્કૂટરચાલક મહિલાએ પોતાનું વાહન રોડ વચ્ચે જ ઉભુ રાખી દીધુ હતું અને તે પ્રૌઢ સ્કૂટરની પાછળ અથડાઈને રોડ પર ઢળી પડ્યા હતા. તે પછી આ પ્રૌઢ ઉભા થઈને કંઈ કહે તે પહેલા સ્કૂટરમાંથી રણચંડી બનીને ઉતરેલી બંને મહિલા તૂટી પડી હતી. બાઈકચાલક પ્રૌઢને સામો હાથ ઉપાડવાનો પણ સમય આપ્યા વગર બંને મહિલા ચપ્પલ તેમજ ફડાકાથી તે પ્રૌઢને માર મારવા માંડી હતી.
સરાજાહેર રોડ પર ઉપરોક્ત બનાવ બનતા કુતૂહલ પ્રેમીઓ એકઠા થઈ ગયા હતા. તેમાંથી કોઈએ વીડિયો ઉતારી લઈ સોશિયલ મીડિયા પર વાયરલ કરી દીધો હતો. મહિલાઓના આક્રમણથી હેબતાયેલા બાઈકચાલક પ્રૌઢને સારી પેઠે ફડાકા ઝીંકી તે બંને મહિલા રવાના થઈ ગઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
