Author: નોબત સમાચાર
કલ્યાણપુરના લાંબામાં પશુપાલકો સાથે રૃા.૮૩ લાખની ત્રણ શખ્સે આચરી ઠગાઈ
જુનાગઢની સાવજ ડેરીના નામે ઉઘરાવી લીધુ દૂધઃ
જામનગર તા. ૫ઃ કલ્યાણપુરના લાંબામાં કેટલાક સમયથી ત્રણ શખ્સે જુનાગઢ સ્થિત સાવજ ડેરીમાં દૂધ પહોંચાડવાનો કોલ આપી પશુપાલકો પાસેથી તેમનું દૂધ ઉઘરાવવાનું શરૃ કર્યા પછી રૃા.૮૩ લાખ ૭૮,૪૭૩ની રકમની છેતરપિંડી કરી લીધાની પોલીસમાં ફરિયાદ કરવામાં આવી છે.
દેવભૂમિ દ્વારકા જિલ્લાના કલ્યાણપુર તાલુકાના લાંબા ગામમાં વસવાટ કરતા મૂળ માણાવદર તાલુકાના ભીતાણા ગામના રાજેશ હમીરભાઈ ચાવડા તથા લાંબા ગામના સુનિલ ઘેલુભાઈ ચેતરીયા, ઘેલુભાઈ માલદેભાઈ ચેતરીયાએ કેટલાક સમય પહેલાં લાંબામાં હરસિદ્ધિ ચીલીંગ દૂધ સેન્ટર નામની ડેરી શરૃ કરી હતી.
આ શખ્સોએ પોતાની ડેરીમાં દૂધ આપી જવા અને તે દૂધ જુનાગઢની સાવજ ડેરીમાં પહોંચાડવાનો કોલ આપી દૂધ ઉઘરાવવાનું શરૃ કર્યું હતું. આ શખ્સો પર ભાટીયાના અનિરૃદ્ધસિંહ મુળુભા વાઢેર સહિતના આસામીઓએ વિશ્વાસ મૂકી પોતાનું દૂધ સાવજ ડેરી માટે ઉપરોક્ત ત્રણેય શખ્સો મારફત મોકલાવવાનું શરૃ કર્યું હતું. તે પછી વિશ્વાસ કેળવાઈ જતાં રાજેશ, સુનિલ તથા ઘેલુભાઈએ દૂધ આપી જતા પશુપાલકોની રકમ બાકી રાખવાનુ શરૃ કર્યું હતું અને ઉઘરાણી કરાય ત્યારે સાવજ ડેરીનો કોડ આપવાનું કહ્યું હતું પરંતુ કોડ કે બાકી રકમ નહીં આપી આ શખ્સોએ કુલ રૃા.૮૩ લાખ ૭૮,૪૭૩ની રકમ ચઢત કરી દેતાં આ શખ્સોએ પશુપાલકો સાથે છેતરપિંડી અને વિશ્વાસઘાત આચર્યાની અનિરૃદ્ધસિંહે કલ્યાણપુર પોલીસમાં ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
