Author: નોબત સમાચાર
જામનગરમાં ઘોડીપાસા વડે જુગાર રમતા ચાર શખ્સ ઝડપાયાઃ એક પન્ટર નાસી ગયો
આરંભડાની સીમમાંથી ઝડપાયો જુગારઃ
જામનગર તા. ૨૦ઃ જામનગરના મોટા પીરના ચોકમાં ગઈકાલે બપોરે ઘોડીપાસા વડે જુગાર રમતા ચાર શખ્સને પોલીસે દબોચી લીધા હતા. એક શખ્સ નાસી જવામાં સફળ થયો હતો. ઓખામંડળના આરંભડામાં તીનપત્તી રમતા ત્રણ શખ્સની પોલીસે અટકાયત કરી હતી.
જામનગરના મોટા પીરના ચોકમાં અકબરશા મસ્જિદ નજીક ગઈકાલે બપોરે કેટલાક શખ્સો ઘોડીપાસા વડે જુગાર રમતા હોવાની બાતમી મળતા સિટી એ ડિવિઝનના પીઆઈ એન.એ. ચાવડાની સૂચનાથી સર્વેલન્સ સ્ટાફે દરોડો પાડ્યો હતો.
આ સ્થળે ઘોડીના પાસા ફેંકી જુગાર રમતા ઈશાક મામદ રજબાની, કાદર મજીદ બાજરીયા ઉર્ફે છુકછુક, તાહેર સૈફુદ્દીન સોની, કાસમ અલીભાઈ કોફીવાલા ઉર્ફે ડાર્લીંગ નામના ચાર શખ્સ મળી આવ્યા હતા. જ્યારે પોલીસને જોઈને શબ્બીર મજીદ બાજરીયા નામનો શખ્સ નાસી ગયો હતો. પોલીસે રૃા.૧૨૦૨૦ રોકડા કબજે કરી તમામ સામે જુગારધારાની કલમ ૧૨ હેઠળ કાર્યવાહી કરી છે. ઓખામંડળના આરંભડા ગામની સીમમાં ચોપગી રોડ પર ગઈકાલે બપોરે તીનપત્તી રમતા હમીર દિનેશભાઈ પરમાર, કરણ પપ્પુભાઈ જેંગોદરીયા, ગુમાનભાઈ ગુલાલભાઈ વાઘેલા નામના ત્રણ શખ્સને મીઠાપુર પોલીસે પકડી લીધા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
