Author: નોબત સમાચાર
ગ્રામ પંચાયતની ચૂંટણીમાં મતદાર ઓળખ પત્ર ન હોય તો પણ થઈ શકશે મતદાન
ચૂંટણીકાર્ડના ૧૪ વિકલ્પ
જામનગર તા. ૨૦ઃ ગ્રામ પંચાયત ચૂંટણીમાં મતદાર પોતાનું ફોટો ઓળખપત્ર (એપીક) રજૂ ન કરી શકે તો અન્ય ૧૪ પુરાવાઓ માન્ય રહેશે.
ગ્રામ પંચાયત ચૂંટણીમાં મતદાન કરવા માટે, જો કોઈ મતદાર કરવા માટે, જો કોઈ મતદાર પોતાનું ફોટો ઓળખપત્ર (એપીક) રજૂ ન કરી શકે, તો અન્ય ૧૪ પુરાવાઓને રાજ્ય ચૂંટણી પંચ દ્વારા માન્ય પુરાવા તરીકે જાહેર કરવામાં આવેલ છે.
જેમાં ફોટા સાથેનો પાસપોર્ટ. ફોટા સાથેનું ડ્રાઈવીંગ લાયસન્સ (ચૂંટણીની તારીખથી એક માસ પહેલા ઇસ્યુ થયેલ હોવું ફરજિયાત). ફોટા સાથેનું ઇન્કમટેક્સ (પાન) ઓળખકાર્ડ. રાજ્ય સરકાર/ કેન્દ્ર સરકાર/જાહેર સાહસો અથવા પબ્લિક લિમિટેડ કંપનીઓ તરફથી તેમના કર્મચારીઓને આપવામાં આવેલ ફોટા સાથેના ઓળખકાર્ડ. પબ્લિક સેક્ટર બેંકો અને પોસ્ટ ઓફિસ તરફથી આપવામાં આવતી ફોટા સાથેની પાસબુક (ચૂંટણીની તારીખથી એક માસ પહેલા ઈસ્યુ થયેલ હોવી ફરજિયાત). અનુસૂચિત જાતિ/અનુસૂચિત આદિજાતિ/અન્ય પછાત વર્ગ (ઓબીસી)નું સક્ષમ અધિકારીનું ફોટા સાથેનું પ્રમાણપત્ર (ચૂંટણીની તારીખથી એક માસ પહેલા ઇસ્યુ થયેલ હોવું ફરજિયાત). ફોટા સાથેના પેન્શન પ્રમાણપત્રો જેવા કે માજી સૈનિકોની પેન્શનબુક/ પેન્શન પેમેન્ટ ઓર્ડર/માજી સૈનિકની વિધવા/ આશ્રિતોના પ્રમાણપત્રો/ મોટી ઉંમરની વ્યક્તિના પેન્શન ઓર્ડર, વિધવા પેન્શન ઓર્ડર (ચૂંટણીની તારીખથી એક માસ પહેલા ઇસ્યુ થયેલ હોવા ફરજિયાત). કેન્દ્ર સરકાર/ગુજરાત સરકાર દ્વારા આપવામાં આવેલ સ્વતંત્રતા સૈનિકના ફોટા સાથેના ઓળખકાર્ડ. ફોટા સાથેના હથિયારોના લાયસન્સ (ચૂંટણીની તારીખથી એક માસ પહેલા ઇસ્યુ થયેલ હોવું ફરજિયાત). સક્ષમ અધિકારી દ્વારા આપવામાં આવેલ વિકલાંગનું ફોટા સાથેનું પ્રમાણપત્ર (ચૂંટણીની તારીખથી એક માસ પહેલા ઇસ્યુ થયેલ હોવું ફરજિયાત). રાષ્ટ્રીય ગ્રામીણ રોજગારી બાંહેધરી યોજના (યુઆઈડીએઆઈ) હેઠળ આપવામાં આવેલ ફોટા સાથેના જોબકાર્ડ (ચૂંટણીની તારીખથી એક માસ પહેલા ઇસ્યુ થયેલ હોવું ફરજિયાત). કર્મચારી રાજ્ય વિમા યોજના (ઈએસઆઈ) હેઠળ આપવામાં આવેલ ફોટા સાથેના ઓળખકાર્ડ (ચૂંટણીની તારીખથી એક માસ પહેલા ઇસ્યુ થયેલ હોવું ફરજિયાત). નેશનલ પોપ્યુલેશન રજીસ્ટર (એનપીઆર) સ્કીમ હેઠળ આરજીઆઈ દ્વારા આપવામાં આવેલ સ્માર્ટ કાર્ડ. યુઆઈડીએઆઈ દ્વારા આપવામાં આવેલ *આધાર* કાર્ડનો સમાવેશ થાય છે.
જિલ્લા ચૂંટણી તંત્ર દ્વારા મતદારોને અનુરોધ કરવામાં આવે છે કે તેઓ મતદાન કરવા જાય ત્યારે ઉપરના પૈકી કોઈપણ એક માન્ય ઓળખપત્ર પોતાની સાથે રાખે, જેથી મતદાન પ્રક્રિયા સુગમતાથી પૂર્ણ થઈ શકે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
