Author: નોબત સમાચાર
અમારી દુકાન પાસે બેસવું નહીં તેમ કહી મહિલા સફાઈકર્મીને પિતા-પુત્રએ હડધૂત કર્યા
સફાઈ કરતી વખતે આરામ કરવા બેઠા હતાઃ
જામનગર તા. ૨૦ઃ કલ્યાણપુરના રાવલ ગામમાં ગયા શનિવારે એક મહિલા સફાઈ કર્મચારી અને ટ્રેક્ટરનો ડ્રાઈવર બેઠા હતા ત્યારે ત્યાં ધસી આવેલા પિતા-પુત્રએ અમારી દુકાન પાસે બેસવું નહીં તેમ કહી આ મહિલા સફાઈ કર્મીને જ્ઞાતિ પ્રત્યે હડધુત કરતા પોલીસમાં ફરિયાદ કરાઈ છે. પોલીસે એટ્રોસિટી એક્ટ હેઠળ ગુન્હો નોંધ્યો છે.
કલ્યાણપુર તાલુકાના રાવલ ગામમાં વસવાટ કરતા અને જામરાવલ નગરપાલિકામાં સફાઈ કામ કરતા મહિલા ગઈ તા.૧૪ની સવારે ગૌરવ પથ પર સફાઈ કર્યા પછી થોડી મિનિટ માટે આરામ કરવા રોડની સાઈડમાં બેંકના ઓટા પર બેઠા હતા ત્યારે ત્યાં રાવલ ન.પા.ના ટ્રેક્ટરનો ડ્રાઈવર પરબત સોલંકી પણ આવ્યો હતો.
આ વેળાએ ત્યાં આવી ચઢેલા સુનિલ જીવાભાઈ ધોકીયા અને જયદેવ સુનિલ ધોકીયા નામના પિતા-પુત્રએ પરબતભાઈને ગાળો ભાંડી ફડાકો ઝીંકયો હતો તેથી સફાઈ કામદાર મહિલાએ શું થયું તેમ પૂછતા આ પિતા-પુત્રએ અમારી દુકાનની આજુબાજુમાં બેસવું નહીં અને સફાઈ પણ કરવી નહીં તેમ કહી આ મહિલાને જ્ઞાતિ પ્રત્યે હડધૂત કરતા કલ્યાણપુર પોલીસ મથકમાં મહિલા સફાઈ કર્મીએ ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
