Author: નોબત સમાચાર
કોર્પોરેશનની ચૂંટણીના વેરઝેરના કારણે વર્તમાન કોર્પોરેટરે હુમલો કરી માર માર્યાે
દરેડમાં સાળાને બનેવીએ ઝીંક્યો ઉંધો કુહાડોઃ
જામનગર તા. ૧૨ઃ જામનગરના વોર્ડ નં.૧૨માં કોર્પોરેશનની ચૂંટણીમાં એક યુવાને અપક્ષ ઉમેદવારી નોંધાવી હતી. તેનો ખાર રાખી વર્તમાન કોર્પોરેટરે આ યુવાનના મામા પર ગઈકાલે હુમલો કર્યાે હતો. જ્યારે દરેડમાં બનેવીને ઝઘડો ન કરવાનું કહેવા ગયેલા સાળાને બનેવીએ ઉંધો કુહાડો ઝીંક્યો હતો.
જામનગરના કાલાવડ નાકા વિસ્તારમાં આવેલા પટ્ટણીવાડ નજીકની ધોબી શેરીમાં રહેતા મુખ્તારભાઈ અબ્બાસભાઈ ખુરેશી નામના યુવાન ગઈકાલે સાંજે પટ્ટણીવાડ પાસે હતા ત્યારે ત્યાં ધસી આવેલા નગર સેવક અસલમ ખીલજીએ ગાળો ભાંડી ઢીકાપાટુ વડે હુમલો કરી માર માર્યાે હતો.
થોડા સમય પહેલા યોજાયેલી કોર્પોરેશનની ચૂંટણી માં મુખ્તારભાઈના ભાણેજે અપક્ષ ઉમેદવારી નોંધાવી હતી. તે બાબતનો ખાર રાખી કોર્પોરેટરે માર માર્યાનું પોલીસ ફરિયાદમાં જણાવાયું છે.
જામનગર નજીકના દરેડ ગામમાં મામા સાહેબના મંદિર સામે રહેતા ગોવિંદભાઈ ખીમશીભાઈ ચારણ નામના પ્રૌઢ પર તેમના બનેવી કરમણ રામાભાઈ હાજાણીએ ગઈ તા.૪ના દિને હુમલો કર્યાે હતો. બનાવના દિવસે કરમણભાઈ તેમની દીકરી સાથે ઝઘડો કરતા હતા જેમાં સાળા ગોવિંદભાઈએ વચ્ચે પડી ઝઘડો ન કરવા સમજાવતા કરમણભાઈએ ગાળો ભાંડી બાજુમાં પડેલો કુહાડો ઉપાડી તેનો ઉંધો ઘા માથામાં ફટકાર્યાે હતો. લોહીલુહાણ બની ગયેલા ગોવિંદભાઈને દવાખાને ખસેડવા પડ્યા હતા. તેઓએ પોલીસમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
