દલિતોએ ખરાબા/ગૌચરની જમીન ઉપર બનાવેલા મકાન રેગ્યુલરાઈઝ કરવા રજુઆત

Author: નોબત સમાચાર

દલિતોએ ખરાબા/ગૌચરની જમીન ઉપર બનાવેલા મકાન રેગ્યુલરાઈઝ કરવા રજુઆત

રાજ્યના મુખ્યમંત્રી સહિત ઉચ્ચ કક્ષાએ આવેદનઃ

જામનગર તા. ૧ઃ ગ્રામ્ય વિસ્તારોમાં ખરાબાની જમીન અને ગૌચરની જમીન ઉપર દલિત સમાજના લોકોએ બનાવેલા મકાન-બાંધકામને રેગ્યુલાઈઝ કરી આપવા જામનગરના સામાજિક કાર્યકર ચેતનભાઈ ભાંભીએ રાજ્યના મુખ્યમંત્રી સહિત ઉચ્ચ કક્ષાએ આવેદનપત્ર પાઠવી રજુઆત કરી છે.

રોજગારી માટે ઔદ્યોગિક વસાહતોની આજુબાજુના ગામડાઓમાં માઈગ્રેટ્ટ થયેલ દલિતો વસવાટ માટે રહેવા લાગ્યા છે ત્યારે તે ગામડાઓમાં ખરાબાની સંપૂર્ણ જમીન પર ખેડૂતોના કબ્જા છે. આથી અમુક કહેવાતી ગૌચરની જમીનો પર દલીત પછાત સમાજના લોકોેએ મકાન બનાવ્યા છે તે મકાનો કાયમી કરવા વિનંતી છે. ઉપરાંત ગામડાઓમાં લગભગ ખરાબમાં ખેડૂતોએ ખેતી માટે દબાણ કરેલ છે. આથી દલીત લોકોને મકાન બનાવવા ગૌચરની જમીન હોય તો પણ ગૌચરની જમીન પર મકાન બનાવવા આપવામાં આવે તે માટે પરિપત્ર કરવાની માંગણી છે. અનેક ઉદ્યોગોને ગૌચરની જમીન અપાયેલ છે. ગૌચરના નામે રાજકારણ ખેલાઈ રહ્યું છે. જ્યારે સરકારને જરૃર હોય ત્યારે તેમની અનૂકૂળતા મુજબ પરિપત્ર છાપીને ગૌચરની જમીનનો ઉપયોગ કરવામાં આવે છે. દા.ત. વિદ્યુત લાઈન પસાર કરવા, વિંડફાર્મ માટે, સોલાર પ્લાન્ટ ઊભા કરવા કે કોય મોટા ઉદ્યોગ પતિને જરૃર હોય ત્યારે વિકાસના નામે ગૌચરની જમીન અપાય છે.

આ ઉપરાંત જ્યા જ્યાં ગરીબ વિસ્તાર છે અનુ જાતિ કે જન જાતિની વસ્તી છે ત્યાં ત્યાં સરકારી ખરાબાને ગૌચરમાં તબદીલ કરીને ગામડાઓમાં તત્કાલ તલાટી મંત્રી અને સરપંચોને મળીને દલીલો તેમના જુના રહેણાંકની બાજુમાં આવેલ જમીન ખરાબામાં કબ્જો ના કરે એટલે આવી જમીનોને ગામડાની પંચાયતોએ ગૌચરમાં તબદીલ કરેલ છે. વાસ્તવમાં તે જમીનો રહેણાંક વિસ્તારની ખૂબ નજીક છે. અને બંજર છે., બીન ઉપજાવ છે, જે જમીનમાં ઘાસ ઉગતું પણ નથી, આવી જમીનોને પણ ગૌચરમાં તબદીલ કરીને ગરીબ દલીત લોકોને રહેવા માટેના પણ ખૂબ વ્યાપક પ્રમાણમાં પ્રશ્નો જોવા માળી રહ્યા છે. આથી ગૌચર નામે ખેલાતું રાજકારણ બંધ કરી ગરીબ લોકોને રહેવા અને આ ગૌચરની જમીનમાં વર્ષોથી બનાવેલ મકાનોને કાયમી કરી આપવા રજુઆત કરવામાં આવી છે.

જો આપને આ પોસ્ટ ગમી હોય તો શેર કરો...