Author: નોબત સમાચાર
જામનગરની મહિલાએ વડાપ્રધાનને રજૂઆત : પોલીસ રક્ષણ
દુષ્કર્મના પાંચ આરોપીની ન કરાતી ધરપકડ સામે પ્રશ્નાર્થઃ
જામનગર તા.૧ ઃ જામનગરના એક ગામના મહિલાએ પોતાના પર દુષ્કર્મ ગુજારવા અંગે છ શખ્સ સામેની ફરિયાદ પોલીસ લેતી ન હોવાની રજૂઆત અદાલત સમક્ષ કર્યા પછી અદાલતના આદેશથી પોલીસે ગુન્હો નોંધ્યો હતો પરંતુ એક આરોપીની ધરપકડ પછી બીજા આરોપીઓની ધરપકડ કરાતી ન હોય તે મહિલાએ છેક વડાપ્રધાન સુધી રજૂઆત કરી છે અને પોલીસ રક્ષણ માંગ્યું છે.
જામનગર તાલુકાના એક ગામમાં રહેતા પરિણીતાને ગઈ તા.૧૫ જાન્યુઆરીના દિને ચાપરાજ ભીખા હાજાણી, જયદેવ મેરા હાજાણી, નાગસુર હાજાણી, મારગુણ હાજાણી, બુધા ભીખા હાજાણી અને દેપાળ હાજાણી નામના છ શખ્સ ઉઠાવી ગયા પછી તે પરિણીતા પર દુષ્કર્મ ગુજારાયાની ગઈ તા.૨ માર્ચના દિને સિક્કા પોલીસ સ્ટેશનમાં ફરિયાદ રજીસ્ટર થઈ હતી.
તે ફરિયાદ કરવા માટે અગાઉ આ પરિણીતા પોલીસ મથકે ગયા હતા પરંતુ પોલીસે ફરિયાદ ન લીધાની રાવ સાથે તેણીએ જામનગરની કોર્ટમાં ફરિયાદ નોંધાવી હતી. તે પછી કોર્ટે હુકમ કરતા સિક્કા પોલીસે ગુન્હો નોંધ્યો હતો.
ગુન્હો નોંધાયા પછી ગઈ તા.૩ના દિને આરોપીઓ પૈકીના બુધા ભીખા હાજાણીની ધરપકડ કરવામાં આવી હતી. જેલહવાલે થયેલા આ આરોપીએ જામીનમુક્ત થવા કરેલી અરજી પણ અદાલતે ફગાવી દીધી હતી. આ ગુન્હામાં બાકીના પાંચ આરોપીની પોલીસે હજુ સુધી ધરપકડ કરી ન હોય ભોગ બનનાર મહિલાએ મુખ્યમંત્રી, વડાપ્રધાન, સુપ્રિમ કોર્ટ, રાજ્યના મુખ્ય પોલીસવડા, રેન્જ આઈજી વગેરેને રજૂઆત કરી છે. જેમાં તેઓએ આરોપીઓની ધરપકડ થતી ન હોય, પોતાના જીવનું તથા પરિવાર પર જોખમ તોળાઈ રહ્યું હોવાની રજૂઆત કરી રક્ષણ માંગ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
