Author: નોબત સમાચાર
ઈન્દિરા સોસાયટી, મહેશ્વરીનગરમાં પોલીસના દરોડામાં ઝડપાયો શરાબ
લતીપરમાં બસ સ્ટોપ પાસેથી શરાબ-બીયર પકડાયાઃ
જામનગર તા.૧ ઃ જામનગરના નવાગામ ઘેડમાં આવેલા એક શખ્સના મકાનમાંથી પોલીસે અંગ્રેજી શરાબની સાંઈઠ બોટલ અને સ્કૂટરમાંથી બે બોટલ કબજે કરી છે. જ્યારે ઈન્દિરા સોસાયટીમાંથી વેચાણ માટે રાખવામાં આવેલી અઠ્ઠયાવીસ બોટલ ઝડપાઈ ગઈ છે. લતીપરના બસ સ્ટેન્ડ પાસેથી એક શખ્સ ચાર બોટલ અને બીયરના ચૌદ ટીન સાથે પકડાયો છે.
જામનગરના નવાગામ ઘેડ વિસ્તારમાં આવેલી ઈન્દિરા સોસાયટીમાં શેરી નં.૯/એમાં એક શખ્સ દ્વારા આ મકાનમાં અંગ્રેજી શરાબનો જથ્થો પડ્યો હોવાની બાતમી મળતા સિટી-બી ડિવિઝન સ્ટાફે ત્યાં આવેલા દિવ્યેશ પાલજીભાઈ ચાવડા નામના શખ્સના મકાનમાં રાત્રે દરોડો પાડ્યો હતો. તે મકાનની તલાશી લેવાતા ત્યાંથી વેચાણ માટે રાખવામાં આવેલી અંગ્રેજી શરાબની ૨૮ બોટલ મળી આવી હતી. દરોડા પહેલા દિવ્યેશ નાસી ગયો હતો. તેની શોધખોળ કરાઈ રહી છે.
જામનગરના નાગનાથ નાકા વિસ્તારમાં આવેલા મહેશ્વરીનગરના ચોકમાં એક શખ્સ અંગ્રેજી શરાબનું વેચાણ કરતો હોવાની બાતમી મળતા ગઈકાલે સાંજે પોલીસે ત્યાં દરોડો પાડતા ગૌતમ દેવાભાઈ મકવાણા ઉર્ફે દીવલો નામનો શખ્સ એક્સેસ સ્કૂટરમાં શરાબની બે બોટલ સાથે ઝડપાયો હતો. તે શખ્સના મકાનમાં સર્ચ કરવામાં આવતા ત્યાંથી શરાબની ૬૦ બોટલ મળી આવી હતી. આરોપીની ધરપકડ કરી પોલીસે પૂછપરછ કરતા તેણે આ જથ્થો રાહુલ વિરમભાઈ રોશીયા સાથે લઈ આવી વેચાણ માટે રાખ્યો હોવાની કબૂલાત કરી છે. રાહુલ વિરમભાઈને શોધવામાં આવી રહ્યો છે.
ધ્રોલ તાલુકાના લતીપર ગામના બસ સ્ટેન્ડ પાસેથી ગઈકાલે રાત્રે લતીપર ગામનો જ રાહુલ વાછાભાઈ ગમારા ઉર્ફે કાનો નામનો શખ્સ અંગ્રેજી શરાબની ચાર બોટલ તથા બીયરના ચૌદ ટીન સાથે ઝડપાઈ ગયો છે. પોલીસે આ શખ્સનો મોબાઈલ કબજે કરી તેની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
