ખેડૂતોને ખેત ઉત્પાદીત જણસોને સલામત સ્થળે ખસેડવા અનુરોધ

Author: નોબત સમાચાર

ખેડૂતોને ખેત ઉત્પાદીત જણસોને સલામત સ્થળે ખસેડવા અનુરોધ

કમોસમી વરસાદની આગાહીના પગલે

ખંભાળીયા તા. રપઃ હવામાન ખાતાની આગાહીને અનુલક્ષીને તા. ર૭-૩-ર૦ર૩ દરમિયાન ગુજરાતના જિલ્લાઓ જેવા કે બનાસકાંઠા, સાબરકાંઠા, અને પાટણ જિલ્લાઓ અને સૌરાષ્ટ્ર અને કચ્છ વિસ્તારના કચ્છ, રાજકોટ, ભાવનગર, જુનાગઢ, અમરેલી, જામનગર, દેવભૂમિ દ્વારકા અને પોરબંદર જિલ્લાઓમાં પવન સાથે ગાજવીજ સાથે હળવાથી મધ્યમ વરસાદની સંભાવનાની આગાહી થયેલ છે. આવા સમયે વાદળછાયું વાતાવરણ હોવાને કારણે ખેડૂતો પાકના રક્ષણ માટે ઉચિત પગલાં લેતા જ હોય છે, તેમ છતાં નીચે મુજબના તકેદારીના પગલા લેવા રાજ્યના ખેડૂતોને સંદેશ આપવામાં આવે છે.

કમોસમી વરસાદથી થતા પાક નુકસાનીથી બચવા માટે ખેડૂતોના ખેત ઉત્પાદિત પાક, ખેતરમાં કાપણી કરેલ પાક ખુલ્લા હોય તો તેને તાત્કાલીક સલામત સ્થળે ખસેડવાની કાર્યવાહી કરવી, અથવા પ્લાસ્ટિક-તાડપત્રીથી યોગ્ય રીતે ઢાકી દેવું અને ઢગલાની ફરતે મોટીનો પાળો બનાવી વરસાદનું પાણી ઢગલાની ફરતે માટીનો પાળો બનાવી વરસાદનું પાણી ઢગલાની નીચે જતું અટકાવવું, જંતુનાશક દવા અને ખાતરનો ઉપયોગ આ સમયગાળા પૂરતો ટાળવો, ખાતર અને બિયારણના વિક્રેતાઓએ જથ્થો પલળે નહીં તે મુજબ ગોડાઉનમાં સુરક્ષિત રાખવા, એ.પી.એમ.સી.માં વેપારી અને ખેડૂત મિત્રોએ કાળજી રાખી આગોતરા સાવચેતીના પગલા લેવા અનુરોધ કરવામાં આવે છે. એ.પી.એમ.સી. માં અનાજ અને ખેતપેદાશો સુરક્ષિત રાખવા એપીએમસીમાં વેંચાણ અર્થે આવતી પેદાશો આ દિવસો દરમિયાન ટાળવી અથવા સુરક્ષિત રાખવા, એપીએમસીમાં વેચાણ અર્થે આવતી પેદાશો આ દિવસો દરમિયાન ટાળવી અથવા સુરક્ષિત રાખવા.

આ અંગે વધુ જાણકારી આપના વિસ્તારના ગ્રામ સેવક-વિસ્તરણ અધિકારી-તાલુકા અમલીકરણ અધિકારી, મદદનીશ ખેતી નિયામક (તા.મુ.) જિલ્લા ખેતીવાડી અધિકારી, નાયબ ખેતી નિયામક (તાલીમ) કેવીકે અથવા કિસાન કોલ સેન્ટર ટોલ ફ્રી નંબર ૧૮૦૦૧૮૦૧પપ૧ નો સંપર્ક કરવા યાદીમાં જણાવાયું છે.

જો આપને આ પોસ્ટ ગમી હોય તો શેર કરો...