ગોમતીપુરમાં ઘર પાસે બેસેલા યુવાન પર કુખ્યાત શખ્સ તથા તેના પુત્રનો હુમલો

Author: નોબત સમાચાર

ગોમતીપુરમાં ઘર પાસે બેસેલા યુવાન પર કુખ્યાત શખ્સ તથા તેના પુત્રનો હુમલો

વચ્ચે પડનાર યુવાનના પિતાને પણ માર પડ્યોઃ

જામનગર તા.૨૫ ઃ જામનગરના ગોમતીપુરમાં ગુરૃવારે રાત્રે પોતાના ઘરની બહાર બેસેલા એક યુવાનને ત્યાં જ રહેતા કુખ્યાત શખ્સ અને તેના પુત્રએ માર માર્યા પછી આ યુવાનના પિતાને પણ પાઈપથી ફટકાર્યા હતા. પોલીસે પિતા-પુત્ર સામે ગુન્હો નોંધ્યો છે.

જામનગરના સુભાષબ્રિજ નીચે આવેલા ગોમતીપુરમાં બુરહાની ફેબ્રીકેશન નામના કારખાના નજીકના મકાનમાં વસવાટ કરતા મુર્તુઝાભાઈ હકીમભાઈ દાઉદિયા નામના વ્હોરા પ્રૌઢનો પુત્ર મુસ્તફા ગુરૃવારની રાત્રે અગિયારેક વાગ્યે પોતાના ઘરની બહાર બેઠો હતો. ત્યારે ત્યાં ધસી આવેલા ઈકબાલ બાઠીયા તથા તેના પુત્રએ આ યુવાનને ઢીકાપાટુથી માર માર્યાે હતો.

આ વેળાએ મુર્તુઝાભાઈએ મારા દીકરાને કેમ મારો છો તેમ પૂછતા ઈકબાલ બાઠીયાએ તમારે અહીં રહેવું હોય તો હું કહું તેમ કરવું પડશે તેમ કહી ગાળો ભાંડ્યા પછી પાઈપ વડે મુર્તુઝાભાઈ પર હુમલો કરી તેઓને પણ ફટકાર્યા હતા. આ બાબતની ગઈકાલે સિટી-બી ડિવિઝન પોલીસ સ્ટેશનમાં મુર્તુઝાભાઈ દાઉદિયાએ ફરિયાદ નોંધાવી છે. પોલીસે ઈકબાલ બાઠીયા તથા તેના પુત્ર સામે આઈપીસી ૩૨૩, ૫૦૪, ૫૦૬ (ર), ૧૧૪, જીપી એક્ટની કલમ ૧૩૫ (૧) હેઠળ ગુન્હો નોંધ્યો છે.

જો આપને આ પોસ્ટ ગમી હોય તો શેર કરો...