Author: નોબત સમાચાર
લાલ બંગલા પાસે હોમગાર્ડના જવાન પર અન્ય હોમગાર્ડઝનો હુમલો-ધમકી
છ શખ્સ સામે પોલીસમાં કરાઈ ફરિયાદઃ
જામનગર તા. ૧૭: જામનગર હોમગાર્ડમાં ફરજ બજાવતા એક જવાનને ગુરૂવારે રાત્રે હોમગાર્ડઝના અન્ય જવાનોએ માર્ગમાં રોકી લઈ નાઈટ રાઉન્ડમાં ન જવા માટે નક્કી કર્યા પછી તમે કેમ સાથ આપતા નથી તેમ કહી બોચો પકડી ગાળો ભાંડી જાનથી મારી નાખવાની ધમકી આપ્યાની ફરિયાદ કરવામાં આવી છે.
જામનગરના સુભાષ માર્કેટ વિસ્તારમાં ગિરધારી મંદિર પાછળ ધોબીશેરીમાં રહેતા અને હોમગાર્ડઝમાં નોકરી કરતા રાકેશભાઈ અમૃતલાલ વારા નામના યુવક ગુરૂવારે રાત્રે બે વાગ્યે ધર્મેન્દ્ર મહેતા સાથે ગૌરવ પથ પર પત્રકાર કોલોની સામે આવેલા જજના બંગલે હતા ત્યારે લાલબંગલા સર્કલ નજીક મનિષ દાઉદીયા નામનો શખ્સ આવ્યો હતો.
તેણે આજે નોકરી પર કેમ આવ્યો હતો તેમ પૂછતા રાકેશે હંુ નોકરી પર સિટી બી ડિવિઝન પોલીસ સ્ટેશને ગયો ન હતો પરંતુ જજના બંગલે બેસવા આવ્યો છું તેમ કહેતા મનિષે ગાળો ભાંંડી હતી તે પછી રાકેશ તથા ધર્મેન્દ્ર પોતાના ઘર તરફ જતા હતા ત્યારે લાલબંગલા સર્કલમાં પૂતળા પાસે તેઓને રોકી લેવાયા હતા. જ્યાં તેની સાથે હીરેન કુંભારાણા, ધર્મેન્દ્ર જેઠવા, જયેશ પી. વારા, સોમિલ વારા, બ્રિજેશ વારા નામના પાંચ શખ્સ હતા. તેઓએ જ્યાં સુધી ક્યુઆર કોડથી પોલીસ સ્ટેશનમાં હાજરી પુરવાનું બંધ કરવામાં ન આવે ત્યાં સુધી નાઈટમાં ફરજ બજાવવાની નથી તેમ નક્કી થયું છે તો તેમાં તમે લોકો સાથ કેમ આપતા નથી તેમ કહી ગાળો ભાંડી હતી. મનિષે બોચો પકડીને રાકેશ વારાને જાનથી મારી નાખવા ધમકી આપતા ગઈકાલે સિટી બી ડિવિઝન પોલીસ સ્ટેશનમાં રાકેશ વારાએ ફરિયાદ નોંધાવી છે. પોલીસે છએય શખ્સ સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
