Author: નોબત સમાચાર
ઓખા રેલવે સ્ટેશનઃ તટ અને ભકિતનું પ્રવેશદ્વારઃ એક નવી ઓળખ
રૂ. ૭.૧૨ કરોડના ખર્ચે નવનિર્મિત
ગુજરાતના ૫શ્ચિમી છેડે આવેલું ઓખા રેલવે સ્ટેશન લાંબા સમયથી દરિયાકાંઠાના શહેરને ભારતના મુખ્ય ગંતવ્યો સાથે જોડતું એક મહત્ત્વપૂર્ણ ટર્મિનસ રહૃાું છે. ઓખાને ૫શ્ચિમ રેલવે હેઠળ એનએસજી-૪ સ્ટેશન તરીકે વર્ગીકૃત કરવામાં આવ્યું છે. આ ઓખા બંદરની સેવા કરે છે અને બેટ દ્વારકાની યાત્રા કરનારા તીર્થયાત્રીઓ માટે એક મુખ્ય પરિવહન બિંદુ તરીકે કાર્ય કરે છે. શહેરની પર્યટન અને ઉદ્યોગ બંનેમાં એક વ્યૂહાત્મક ભૂમિકા છે અને આ સ્ટેશન મુંબઈ, પુરી, રામેશ્વરમ, ગુવાહાટી, દેહરાદૂન અને વારાણસી જેવા પ્રતિષ્ઠિત શહેરોની યાત્રાની સુવિધા પૂરી પાડે છે.
પોતાના મહત્ત્વને ધ્યાનમાં રાખીને ઓખા રેલવે સ્ટેશનમાં તાજેતરમાં અમૃત ભારત સ્ટેશન યોજના હેઠળ વ્યાપક પરિવર્તન કરવામાં આવ્યું છે. પુનર્વિકાસ કાર્ય ૭.૧૨ કરોડ રૂપિયાના ખર્ચે કરવામાં આવ્યું છે, જેનો ઉદ્દેશ્ય એક વિશ્વસ્તરીય, મુસાફર-અનુકૂળ સ્ટેશન બનાવવાનો છે, જે કાર્યક્ષમતા અને સૌંદર્ય બંનેને જાળવી રાખે છે.
સ્ટેશનના આગળના ભાગને સૌંદર્યની દૃષ્ટિએ ફરીથી તૈયાર કરવામાં આવ્યો છે, જેનાથી ઓખાને એક નવી ઓળખ મળી છે જે તેના દરિયાકાંઠાના આકર્ષણ અને ધાર્મિક મહત્ત્વ સાથે પડઘો પાડે છે. સુધારેલો આગળનો ભાગ માત્ર દૃશ્ય આકર્ષણને જ નથી વધારતો પરંતુ સ્ટેશનની દૃશ્યતા અને કદને પણ વધારે છે. પ્લેટફોર્મ નંબર ૧ પર સંપૂર્ણપણે સપાટી સુધારણા જોવા મળી છે, જેનાથી વૃદ્ધ મુસાફરો અને સામાન લઈ જનારા સહિત તમામ માટે સુરક્ષિત અને સરળ અવરજવર સુનિશ્ચિત થાય છે. બોર્ડિંગ અને ડિબોર્ડિંગની સરળતામાં નોંધપાત્ર સુધારો થયો છે, જે યોજનાની કાર્યક્ષમતા અને સુગમતા પર ભાર મૂકે છે.
આ પ્રભાવશાળી અપગ્રેડ દ્વારા ઓખા રેલવે સ્ટેશન અમૃત ભારત વિઝનનું એક ચમકતું ઉદાહરણ બનીને ઊભર્યું છે, જેમાં આધ્યાત્મિક મહત્ત્વ, ઔદ્યોગિક સુસંગતતા અને માળખાકીય શ્રેષ્ઠતાને એક સહજ આધુનિક મુસાફરી અનુભવમાં સંમિશ્રિત કરવામાં આવ્યું છે.
રેલનું પૈડું દેશના વિકાસનું પૈડું છે. રેલવે સ્ટેશન વિકાસના રથ પર સવાર દેશના મુખ્ય કેન્દ્રો છે. ભારતીય રેલ અને રેલવે સ્ટેશનોની પ્રગતિમાં દરેક ભારતીયની સહભાગિતા છે. આ સહભાગિતાને વધુ મજબૂત કરવાની છે. તેમની હિફાજત કરવી, તેમને સ્વચ્છ બનાવી રાખવા એ પણ આપણા સૌની સામૂહિક જવાબદારી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
