Author: નોબત સમાચાર
રહેણાંક મકાન-ફ્લેટમાંથી દારૂની ૧૬૬ બોટલ કબજેઃ મહિલા સહિત ત્રણ ઝબ્બે
કાલાવડના મુળીલામાંથી છ બોટલ સાથે એક પકડાયોઃ
જામનગર તા. ૨૧: જામનગરના સત્યમ્ કોલોની વિસ્તારમાં એક મકાનમાંથી દારૂની ૧૨૬ બોટલ તથા નાગમતી આવાસમાં ફ્લેટમાંથી ૪૦ બોટલ એલસીબીએ પકડી પાડી છે. જ્યારે કાલાવડના મુળીલામાંથી છ બોટલ સાથે એક ઝડપાયો છે અને કલ્યાણ ચોક પાસેથી ચાર ચપલા સાથે એક શખ્સની અટકાયત કરાઈછે.
જામનગરના સત્યમ્ કોલોની વિસ્તારમાં અન્ડર બ્રિજ પાસે એક એપાર્ટમેન્ટ સામે રહેતા શખ્સના મકાનમાં દારૂનો જથ્થો પડ્યો હોવાની બાતમી એલસીબીના મયુદ્દીન તથા ઘનશ્યામ ડેરવાડીયા, અરજણભાઈને મળતા પીઆઈ વી.એમ. લગારીયા ની સૂચનાથી રામ રાજાભાઈ મદ્રાસી નામના શખ્સના મકાનમાં દરોડો પાડી સ્ટાફે તલાશી લીધી હતી.
તે મકાનમાંથી ભારતીય બનાવટના અંગ્રેજી શરાબની ૧૨૬ બોટલ મળી આવી હતી તે જથ્થા સાથે રામ રાજાભાઈ મદ્રાસીની અટકાયત કરાઈ છે તેણે કચ્છના અંજારવાળા કરણ માંજુસા પાસેથી દારૂ મેળવ્યાની કબૂલાત કરી છે. દારૂ તથા એક મોબાઈલ મળી કુલ રૂ.૧,૩૯,૧૬૨નો મુદ્દા માલ કબજે કરામાં આવ્યો છે.
જામનગરના કાલાવડ નાકા બહાર કલ્યાણ ચોક પાસેથી ગઈકાલે રાત્રે રંગમતી સોસાયટીવાળા રાહીલ અબ્દુલકાદર શેખ નામના શખ્સને પોલીસે પકડી લઈ તેના કબજામાંથી ઈંગ્લીશ દારૂના ચાર ચપલા ઝબ્બે લીધા છે.
કાલાવડ તાલુકાના મુળીલા ગામ પાસેથી ગઈકાલે સાંજે કરણ ભોલાભાઈ ગોલતર નામના શખ્સને દારૂની છ બોટલ સાથે પકડી લેવામાં આવ્યો છે.
જામનગરના લાલવાડી વિસ્તારથી આગળ આવેલા નાગમતી આવાસમાં એક ફ્લેટમાં દારૂ હોવાની બાતમી એલસીબીના અરજણભાઈ, મયુદ્દીન સૈયદને મળતા એલસીબી સ્ટાફે રાત્રે એલ ૫૦૫ નંબરના ફલેટમાં દરોડો પાડતા વિક્કી મદ્રાસી તથા ઉર્મિલાબેન રાજેશ વાઘેલા ઉર્ફે ભૂમિ નામના બે વ્યક્તિના કબજામાંથી ઈંગ્લીશ દારૂની ૪૦ બોટલ મળી આવી હતી પોલીસે રૂ.૧૬ હજારની બોટલ કબજે કરી વિક્કી તથા ભૂમિ સામે સિટી એ ડિવિઝન પોલીસ સ્ટેશનમાં ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
